په بلخ کې شاوخوا ۶۰ جوړو ته د یوې خیریه موسسې په مالي ملاتړ د ډلهییز واده مراسم نیول شوي دي.
د احساس ټولنیزې موسسې مسؤل، عبدالفتاح جواد په دې اړه وویل چې دغه پرېکړه یې، د هغو ځوانانو د ملاتړ لپاره کړې چې له کلونو راهیسې د مالي ستونزو له امله د واده مراسم ته په تمه وو.
هغه زیاته کړه: «په دې مراسمو کې شاوخوا یو میلیون افغانۍ مصرف شوي او د هرې جوړه لپاره د کورنۍ ځینې اساسي وسایل هم ورکړل شوي دي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه ځوانان چې ډلهییز واده ورته برابر شوی و، خوښي څرګنده کړه او وې ویل چې د مالي ستونزو له کبله یې د دې توان نه درلود چې د خپل واده لپاره مراسم ونیسي.
یوه زوم الماس، نورو ځوانانو ته مشوره ورکوي چې د لګښتونو د زیاتوالي پرځای دې د واده مراسم په ډلهییزه توګه ترسره کړي.
په تېرو کلونو کې د خیریه موسسو ملاتړ د ډییزو ودونو د دود د پراختیا سبب شوی، څو ځوانان وکولای شي، د مالیاتي فشار پرته خپل ودونه وکړي او د ټولنې لپاره مثبت فرهنګي مثالونه رامنځته کړي.