د امریکا د بهرنیو چارو وزیر مارکو روبیو وايي چې ښايي کیوبا د امریکا د ولسمشر ډونالډ ټرمپ د ادارې د هغو هڅو راتلونکی هدف وي چې موخه یې په لوېدیځه نیمه کره کې د امریکا د نفوذ بیا ټینګول بلل کېږي.
روبیو زیاته کړې، که دی د کیوبا د حکومت له چارواکو څخه وای، نو د امریکا د پوځ له وروستیو عملیاتو وروسته به یې د اندېښنې احساس کاوه.
د هغه په وینا، دغه پوځي عملیات چې په ونزویلا کې شوي، د یاد هېواد د ولسمشر نیکولاس مادورو او د هغه د مېرمنې د نیول کېدو لامل شول.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د امریکا د بهرنیو چارو وزیر چې له اوږدې مودې راهیسې یې سیاسي تمرکز پر ونزویلا او کیوبا متمرکز دی، وویل: «که ما په هاوانا کې ژوند کاوه او د حکومت غړی وای، لږترلږه به مې اندېښنه لرله.»
د یادونې وړ ده چې متحده ایالات په لاتینې امریکا کې د پوځي او سیاسي مداخلو اوږد تاریخ لري. د دغو مداخلو له ډلې یوه یې د ۱۹۶۱ کال د «خلیج خوکانو» ناکامه یرغل و چې د فیدل کاسترو د حکومت د نسکورولو په موخه د کیوبايي تبعیدیانو له خوا ترسره شو او امریکا یې په غیرمستقیم ډول ملاتړ کاوه.