د فرانسې ولسمشر امانوئل مکرون وايي، که د امریکا ولسمشر ډونالد ټرمپ رښتیا هم غواړي چې د سولې نوبل جایزه ترلاسه کړي، باید د غزې جګړه پای ته ورسوي.
مکرون له نیویارک څخه فرانسوي «بیاِفاِم» تلویزیون سره په مرکه کې ټینګار وکړ چې یوازې د امریکا ولسمشر کولای شي، پر اسراییل د جګړې د بندېدو فشار راوړي. هغه وویل: «موږ د جګړې د دوام لپاره وسلې نهورکوو، خو امریکا دا کار کوي، نو یوازې واشنګټن کولی شي اغېزناک فشار راوړي.»
ټرمپ د ملګروملتونو په عمومي اسامبلۍ کې د فلسطین د رسميت پېژندنې مخالفت وکړ، خو هممهاله یې د ژر تر ژره اوربند او د سولې د خبرو غوښتنه وکړه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
مکرون د ټرمپ د خبرو په اړه وویل چې د سولې نوبل جایزه یوازې هغه وخت ترلاسه کېدای شي چې د غزې جګړه ودریږي. د راپورونو له مخې، څو هېوادونو له هغې ډلې اسرائیل، پاکستان او کامبوج ټرمپ د سولې نوبل جایزې لپاره نومولی دی.
مکرون خبرداری ورکړ چې د غزې جګړې دوام به د بشري ناورین ترڅنګ د منځني ختیځ او نورو سیمو بېثباتي هم زیاته کړي.