د اسراییلو په اورشلم «بیتالمقدس» ښار شاوخوا ځنګلونو کې د اورلګېدنې له امله د هستوګنې ګڼشمېر یمې تخلیه شوي او له پلازمېنې تلابیب سره نښلېدونکې لویه لاره هم تړل شوې ده.
د یادې اورلګېدنې له کبله د اسراییلو لومړي وزیر بنیامین نتنیاهو بېړنی وضعیت اعلان کړی او له نورو هېوادونو یې، د اور مهار لپاره د مرستې غوښتنه کړې ده.
نتنیاهو ویلي چې تر دې مهاله اېتالیا او کرواشیا د اور مهار لپاره د الوتکو لېږد ژمنه کړې. د اسراییلو بهرنیو چارو وزارت هم اعلان کړی چې له یونان، قبرس او بلغارستان څخه هم د مرستې غوښتنه شوې.
بلخوا د فرانسې لومړي وزیر اېمانوېل ماکرون هم پر اېکس ټولنیزه شبکه اسراییلو کې د لګېدلي اور مهار لپاره د مرستې وړاندیز کړی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په دې پېښه کې تراوسه د ۱۳ کسانو د ټپيکېدو پخلی شوی دی. اسراییلو د یادې اورلګېدنې لامل د تودوخې لوړه درجه او تند بادونه یاد کړي دي.
بلخوا د اسراییلو د کورني امنیت وزیر ایتامار بنګوېر بیا په قصدي توګه د یادې اورلګېدنې موضوع راپورته کړې. نوموړی ګومان لري چې دغه اورلګېدنه په قصدي توګه رامنځته شوې.
په ورته مهال پولیسو په شرقي بیتالمقدس کې یو ۵۰کلن کس یوې کروندې ته د اوراچوونې په تور نیولی، خو تراوسه په رسمتي توګه نهدي ویل شوي چې ایا رامنځته شوی اور، د نیول شوی کس کار او که نه؟