د ملګروملتونو د بشري مرستو چارواکي وايي چې غزه کې د اسراییلو کلابندي د څه باندې دوه میلیونه فلسطینیانو ژوند له ګواښ سره مخ کړی دی.
د فلسطین د اشغال شوې خاورې لپاره د ملګروملتونو د بشري مرستو همغږیکوونکی مهند هادي وايي چې نړیوال بشري قانون روښانه دی او په وینا یې، اسراییل باید پرته له ځنډ غزې ته بشري مرستې پرېږدي.
د سلاموطندار پښتو فېسبوکپاڼه وڅارئ
هادي زیاته کړې چې نږدې لس ورځې کېږي چې اسراییلو غزه کلابنده کړې او له بشري مرستو بار ولاړیو لاریو ته د تګ اجازه نهورکوي.
نوموړی وايي چې دغه مرستې غزه کې له جګړې پاتې ژوندیو کسانو ته حیاتي دي او باید ورورسول شي.
هادي په یوې بیانیه کې ویلي چې د مرستو لېږد برخه کې ځنډ به د اوربند پرمختګونه برعکس کړي.
سلاموطندار پر اېکسپاڼه هم وڅارئ
بلخوا قطر او اردن وايي چې پر غزې د روانې کلابندۍ سره اسراییلو غواړي چې د یادې سیمې پر اوسېدونکو لوږه تحمیل کړي.