د فلسطین حماس او یوه بله ډله وايي چې د اسراییلو په هوايي بریدونو د یادې ډلې څلور لوړپوړو چارواکو خپل ژوند له لاسه ورکړی دی.
حماس ویلي چې د یادې ډلې یو لوړپوړی چارواکی فتحشریف ابوالامین نن دوشنبه، سپټمبر ۳۰مه، له خپلې مېرمنې، زوی او لور سره یوځای د سوېلي ښار په طیر کې د کډوالو په یوه کمپ کې په نښه شوې دي.
د سلاموطندار پښتو فېسبوکپاڼه وڅارئ
ابوالامین له خپلې کورنۍ سره یوځای د نوموړي په کور کې په نښه شوې دي.
بلخوا «د فلسطین ازادۍ لپاره د خلکو جبهه» مسوولان وايي چې د لبنان د بیرو په کولا ولسوالي کې د دوی درې لوړپوړي چارواکي وژل شوي دي.
د یادې جبهې په وینا، دغه کسانو د اسراییلو په هوايي بریدونو کې خپل ژوند له لاسه ورکړی دی. د فلسطین ازادۍ لپاره د خلکو جبهه یوه له هغو ډلو ده چې د اسراییلو پر وړاندې جنګېږي.
اسراییلو ځواکونو تېره لبنان کې د حزبالله ډلې د مرکزونو سربېره، په یمن کې پر حوثیانو هم بریدونه کړې دي.