غزه کې د اوربند ټینګښت په تړاو هڅو سره هممهاله، اسراییلي ځواکونو د غزې پر بېلا بېلو سیمو هوايي او ځمکني بریدونه زیات کړي.
د راپورونو پر اساس، تېرو ۲۴ ساعتونو کې پر غزې د اسراییل بریدونو کې لږ تر لږه ۸۲ فلسطینیان وژل شوي او ګڼ شمېر نور ټپیان دي.
ورته وخت کې د اسراییل لومړي وزیر بنیامین نتنیاهو ویلي، ښايي راتلونکو څو ورځو کې غزه کې د اوربند تړون وشي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه هیله ښوولې چې په څو ورځو کې به د حماس له خوا نور نیول شوي بندیان هم خوشې شي.
خو حماس ډلې بیا ټینګار کړی چې د غزې اوربند لپاره قطر کې خبرې د اسراییلو د سرزورۍ له کبله ستونزمنې وې.
پر غزې د اسراییلو بریدونو پیل راهیسې تر دا مهاله څه باندې ۵۷زره کسانو خپل ژوند له لاسه ورکړی او نږدې ۱۳۷زره ټپیان دي.
همداراز ګڼشمېر ټپیان او ناروغان روغتونونو کې د روغتیايي خدمتونو له کمښت سره مخ دي او زرګونه نور بیا له سختې لوږې زورېږي.