د فلسطین وفا خبري اژانس راپور ورکړی چې د غزې تړانګه کې د اسراییلي ځواکونو د وروستیو بریدونو پرمهال درې فلسطینیانو خپل ژوند له لاسه ورکړی دی.
په دې بریدونو کې یوشمېر نور کسان ټپیان شوي هم دي.
د راپور له مخې، یو فلسطینی وګړی د مغازي کډوالو کمپ د ورودي په سیمه کې د یوه ملکي موټر د نښه کولو په برید کې وژل شوی او څو نور کسان ټپیان شوي دي. ټپیان د الاقصی شهیدانو روغتون ته لېږدول شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په یوه جلا پېښه کې، د غزې ښار ختیځ لور ته په یوه سیمه کې د هوايي برید له امله دوه کسان وژل شوي دي.
وفا خبري اژانس زیاتوي چې د اوربند له اعلان وروسته، د نښتو او بریدونو له امله د وژل شویو فلسطینیانو شمېر ۷۰۹ ته رسېدلی او نږدې ۱۹۲۸ کسان ټپیان شوي دي.
همدارنګه، د ۲۰۲۳کال د اکتوبر له پیله تراوسه د وژل شویو فلسطینیانو ټولییز شمېر ۷۲,۲۹۱ ته رسېدلی چې ډېری یې ښځې او ماشومان بلل شوي دي.