د لبنان پلازمېنه بیروت کې د اسراییلي ځواکونو د هوايي بریدونو پرمهال ۲۲ کسان وژل شوي او له ۱۰۰ ډېر نور ټپیان دي.
رویټرز خبري اژانس نن جمعه، اکتوبر یوولسمه راپور ورکړی چې برید د حزبالله ډلې د یوه لوړپوړي چارواکي وافیق صفا د لهمنځه وړو لپاره شوی دی.
د سلاموطندار پښتو فېسبوکپاڼه وڅارئ
رویټرز د درېوو سرچینو له قوله په راپور کې ویلي چې نوموړی له برید روغ وتلی دی.
بلخوا نن جمعه د اسراییلي ځواکونو په هوايي بریدونو کې د لبنان په سوېل کې د سولهساته ځواکونو یو ټاور په نښه کړی چې له امله یې، دوه کسان ټپیان شوي دي.
په ورته مهال د اسراییلو په شمال کې د حزبالله له لوري د ټانګ ضد مرمۍ د توغونې له امله یو ټایلنډی کارګر وژل شوی دی.
د حزبالله او اسراییلو ترمنځ جګړه وروسته له هغې پیل شوه چې یادې ډلې له حماس د ملاتړ په موخه پر اسراییلو توغندي وتوغول. د وروستیو اوونیو پرمهال دې جګړې زور اخیستی او اسراییل د یادې ډلې لهمنځه وړو لپاره لبنان کې ځمکني لنډمهاله عملیات هم کړي دي.