د اسراییل پوځ د غزې ښار نیولو لپاره ځمکني عملیات پیل کړي او له اوسېدونکو یې غوښتي چې دغه ښار څخه ووځي.
د راپورونو پر اساس، دغه پوځي عملیات د امریکا بهرنیو چارو وزیر مارکو روبیو او د اسراییل لومړي وزیر بنیامین نتنیاهو له لیدنې وروسته پیل شوي.
د اسراییل لومړي وزیر ویلي چې دغه عملیات د حماس له منځه وړلو لپاره ترسره کیږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
سره له دې چې د اسراییل او حماس ترمنځ نښتو سره نړیوال مخالفتونه شتون لري او د اوربند لپاره څه ناڅه هڅې هم روانې دي، نه یوازې دا چې غزه کې جګړه نه ده درول شوې، بلکې زیاته شوې هم ده.
دا داسې مهال دی چې اسراییلي رسنیو تېره ورځ راپور ورکړی، مخکې له دې چې د اسراییل پوځ غزه کې د حماس پر وړاندې پلان شوي عملیات پیل کړي، د اټکلونو له مخې، تر اوسه پورې له ۳۲۰ زره څخه زیاتو فلسطینیانو د غزې ښار نورو سیمو ته کډه کړې ده.
اسراییل غزه کې ملکي وګړو ته ویلي چې د غزې سویل کې د دوی لخوا ټاکل شوي بشري زون ته لاړ شي، خو فلسطینیانو په وینا، غزه کې هیڅ ځای خوندي نهدی.