د فلسطین د ملکي دفاع اداره وايي، اسراییلو تېرو نژدې دوو کلونو کې د بریدونو له پیل راهیسې د غزې ښار په زیتون او صبرا سیمو کې له زرو ډیرې ودانۍ په بشپړه توګه ویجاړې کړي او سلګونه کسان یې د کنډوالو لاندې بند پاتې دي.
دې ادارې تېره ورځ یوه بیان کې ویلي چې د اسراییل دوامداره بمبارۍ د مرستې او ژغورنې عملیات له خنډ سره مخ کړي.
د بیان یوه برخه کې ویل شوي چې «غزه کې، که شمال دی یا سویل، هیڅ خوندي سیمه نشته. د غزې اوسېدونکو کورونه، سرپناوې او ان د بېځایه شویو کمپونه په نښه کیږي او د اسراییل توغندییز بریدونه دوام لري.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
غزه چې د ملګرو ملتونو یوه سازمان په کې رسما قحطي اعلان کړې، په تېرو څو اونیو کې د اسراییلو د سختو بمباریو لاندې ده.
د غزې اوسیدونکو ویلي چې له هرې سیمې د پرلپسې چاودنو غږونه اوریدل کیږي.