پر اسراییلو له یمن د دوو توغندیزو بریدونو یوه ورځ وروسته د یمن پلازمېنې صنعا هوايي ډګر باندې اسراییلي ځواکونو هوايي بریدونه کړي دي.
د حوثي ډلې اړوند المسیره ټلوېزیون نن چهارشنبه، مې ۲۸مه راپور ورکړی چې پر دغه هوايي ډګر څلور بریدونه شوي چې پرمهال د الوتکې ځغاستې لیکه او یوه الوتکه په نښه شوې ده.
د اسراییلو د دفاع وزیر، اسراییل کاټز ویلي چې د اسراییلو هوايي ځواکونو په هوايي ډګر کې د حوثیانو ترهګریز اهداف په نښه کړي او په وینا یې، «د دوی وروستۍ پاتې الوتکه یې ویجاړه کړه.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
کاټز وویل: «دا یو څرګند پیغام او زموږ د پالیسۍ دوام دی، هرڅوک چې د اسراییلو پر دولت ډزې کوي، هغوی به درنه بیه پرې کړي.»
د صنعا هوايي ډګر چې په یمن کې تر ټولو لوی هوايي ډګر شمېرل کېږي، تېره اوونۍ د اسراییلو د پخوانیو بریدونو وروسته د لنډمهاله ترمیم او د ځغاستې بیارغونې وروسته بېرته فعال شوی و.