د ایران پوځ اعلان کړی چې د دې هېواد د هوايي دفاعي ځواکونو له لوري د امریکا او اسراییلو دوه پرمختللې بېپیلوټه الوتکې ویشتل شوې دي.
د پوځ په وینا، د امریکا یوه پرمختللېMQ-9 بېپیلوټه الوتکه د ایران د لرستان ولایت په اسمان کې د هوايي دفاعي سیستم له لوري په نښه شوې او نسکوره شوې ده. چارواکو ویلي چې دغه الوتکه د ایران د هوايي حریم له څار وروسته هدف ګرځول شوې ده.
همداراز د ایران پوځ ویلي چې د اسراییلو یوهHermes 900 بېپیلوټه الوتکه هم د تهران اړوند په عمومي سیمه کې د پوځ د هوايي دفاعي ځواکونو له لوري ویشتل شوې او لهمنځه وړل شوې ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د پوځ د معلوماتو له مخې، دواړه بېپیلوټه الوتکې د پرمختللو څارګریزو او استخباراتي تجهیزاتو لرونکې وې او د دفاعي ځواکونو له لوري د هوايي حریم د ساتنې په ترڅ کې هدف ګرځول شوي دي.
د ایران پوځ تراوسه د دغې پېښې د دقیق وخت، ځای او نورو جزییاتو په اړه نور معلومات نه دي خپاره کړي او همداراز د دې پېښې په اړه د امریکا او اسراییلو رسمي غبرګون هم نه دی څرګند شوی.