د تېرې یوې شپې او ورځې پرمهال غزه کې د اسراییلي ځواکونو د بریدونو له امله ۴۵ کسانو خپل ژوند له لاسه ورکړی او ۱۳۰ نور ټپیان دي.
اسراییلي ځواکونو د غزې شمال کې خپلو بریدونو ته زور ورکړی او شاوخوا ۴۰۰زره کسانو ته یې، د وتلو امر کړی دی.
د سلاموطندار پښتو فېسبوکپاڼه وڅارئ
دغه کسان هڅه کوي چې د جګړې له وېرې ځانونه غزې ته ورسوي، خو سړکونه تړل شوي دي. د وتلو دغه امر د غزې په شمال کې د درېوو مهمو ښارونو جبالیه، بیتحنون او بیتلاهیا اوسېدونکو ته شوی دی.
د تخلیې امر وروسته د یادو سیمو د خوندي وتلو په اړه اندېښنو هم زور اخیستی دی.
د الجزیرې خبري شبکې د راپور له مخې، جبالیه کډوالو کمپ کې د اسراییلو د بریدونو له امله اسراییلو د یادې سیمې روغتونونو ته امر کړی چې ۲۴ ساعتونو کې روغتونونه تخلیه کړي.