د پکتیا په مرکز او یوشمېر ولسوالیو کې د ۳۲ میلیونه افغانیو په لګښت د څښاک پاکو اوبو لس شبکې جوړې او ګټېاخیستنې ته وسپارل شوې.
د یاد ولایت د کلیو بیارغونې او پراختیا ریاست څخه نن «چهارشنبه، وږي ۲۱مه» سلاموطندار ته په رالېږل شوې خبرپاڼه کې ويل شوي چې دغه شبکې د یونېسف په مالي ملاتړ جوړ شوې دي.
د سلاموطندار پښتو فېسبوکپاڼه وڅارئ
خبرپاڼه کې راغلي چې د اوبو رسولو دغه شبکې مرکز ګردېز، ګردې څېړۍ، سیدکرم، جانيخېل، څمکني، ډنډېپټان او زرمت ولسوالیو کې بشپړې شوې دي.
د يادو شبکو پر جوړېدو سره ۲۰۰۰ کورنيو او ۱۰ ښوونځیو ته د څښاک پاکې اوبه برابرې شوې. د يادو سيمو يوشمېر اوسېدونکي خوښ دي چې ورته پاکې اوبو زمينه برابره شوه.
د پکتیا اوسېدونکي له سرپرست حکومت غوښتنه کوي چې د موسسو په مرسته دې په نورو هغو سيمو کې هم ورته پروژې پلې کړي چې خلک يې پاکو اوبو ته لاسرسی نهلري.