د لوګر د کرنې، اوبولګولو او مالدارۍ ریاست چارواکي وایي چې د ملګرملتونو د خوړو او کرنې نړیوالو پروګرام (FA0) له لوٰري په برهکي برک ولسوالي کې پر ۲۰۰۰ مالدارو د شېدو راټولولو وسایل ووېشل شول.
د دغه ولایت د کرنې، اوبولګولو او مالدارۍ ریاست مطبوعاتي مسوول عبدالبصیر شاهد سلاموطندار ته وویل: «هر مالدار ته يو دانه د شېدو ځګ، يو دانه د شيدو ځانکړى سطل، يو دانه د شيدو صافولو ماشین او یوه جالى اوهمدارنګه يوه دانه د شیدو راټولولو ډولچه شامله ده.»
د سلاموطندار پښتو فېسبوکپاڼه وڅارئ
نوموړي همدارنګه زیاته کړه، له مالدارانو سره له ذکر شوې مرستې یې موخه، د مالدارۍ ملاتړ او مالداران دېته هڅول، څو له خپلې مالدارۍ په سمه توګه ساتنه او پالنه وکړي.
همراز همدارنګه زیاته کړه، د ملګر ملتونو د خوړو او کرنې نړیوالو پروګرام (FA0) له لوري به د لوګر په یوشمېر نورو ولسوالیو کې هم پر مالدارانو ورته مرستې ووېشل شي.
لوګر کې په داسې حال کې په دوه زره مالدارانو د شیدو د راټولولو، لیږد او ساتنې وسایل ووېشل شول چې د دغه ولایت په مرکز پل علم او ولسوالیو کې ډيری کورنۍ د مالدارۍ په ساتنې او پالنې بوختې دې او له دې لارې د ژوند اقتصادي چارې سمبالوي.