د روسیې په شمال داغستان کې چارواکو د لنډ مهال لپاره د ښځو پر نقاب اغوستلو بندیز ولګاوه.
چارواکي وايي چې ښځې یې د لنډمهال لپاره د ټول مخ پټولو او نقاب اغوستلو څخه منع کړې دي.
د سلاموطندار پښتو فېسبوکپاڼه وڅارئ
دغه پرېکړه وروسته له هغې کېږي چې دې سیمه کې تېره میاشت پر کلیساوو د بریدونو پرمهال لږ تر لږه ۲۲کسان ووژل شول.
د داغستان لوی مفتي پر ټلګرام یوې بیانیه کې ویلي چې د روسیې مذهبي چارو وزارت په غوښتنه یې دې سیمه کې د لنډمهال لپاره پر نقاب اغوستلو بندیز لګولی دی.
د جون پر ۲۳مه له برید وروسته د خپرو شویو راپورونو له مخې، یوه وسلهوال غوښتل د نقاب اغوستلو په مرسته، له برید وروسته وتښتي.
د یاد مفتي په وینا، دغه بندیز به تر هغو پرځای وي چې شته ګواښونه لهمنځه نهوي تللي او سیمه نهوي خوندي شوي.