د لوګر د کرنې، اوبولګولو او مالدارۍ ریاست مسوولان وایي چې د ملګروملتونو د خوړو او کرنې نړیوال سازمان (FAO) له لوري د برهکي برک او څرخ ولسوالیو پر ۲زره او ۵ سوه بزګرانو اصلاح شوی تخم او کیمیاوي سره ووېشل شوه.
په دې اړه جوړې شوې غونډې ته د لوګر د کرنې او مالدارۍ ریات رییس مولوي شیراقا پیرحبیب الرحمن وویل، دغه مرسته (FAO)نړیوالې ادارې له لوري پر ۲۵۰۰ بزګرانو ووېشل شول چې په کې هر بزګر ته ۵۰ کیلو ګرام د غنمو اصلاح شوی تخم، ۵۰ کیلو ګرامه توره او ۵۰ کیلو ګرامه سپینه سره په پام کې نیول شوې ده.
نوموړي زیاته کړه، د لوګر د مرکز پلعلم او ولسوالیو ډېری کروندګر اوس مهال اصلاح شویو تخمونو او کیمیاوي سره ته لاسرسی لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
بلخوا د لوګر مرستیال والي مولوي محمدانور دین پرور وویل، لوګر د هېواد په کچه یو کرنیز ولایت ده او اړتیا ده چې د کورنیو ادارو سربېره نړیوالې ادارې هم د دغه ولایت د بزګرانو دوامداره لاسنیوی وکړي.
دین پرور همدارنګه وویل، که څه هم په دې ورستیو څو کالونو کې وچکالۍ بزګران سخت ځپلي دي خو اړتیا ده چې بزګرانو ته د اوبو سپما برخه کې عامه پوهاوی او د اوبو قطري سیستمونه جوړ کړي.
د دغه ولایت د څرخ او بره کي برک ولسوالیو بزګران هم خوښ دي چې د کرنې او مالدارۍ ریاست له لوري ورسره د اصلاح شویو تخمونو او کیمیاوي سرې مرسته وشوه، خو ټینګار کوي چې دغه مرسته دې پاتې ولسوالیو ته هم وغځول شي.