د ۱۹کلنو کرکټ لوبډلو ترمنځ د ۲۰۲۵ کال اسیا جام ۵۰ اوریزه سیالۍ نن د افغانستان په کوربهتوب په متحده عربي اماراتو کې پیلیږي.
دغو لوبو کې د افغانستان، هند، پاکستان، بنګلهدېش، سریلانکا، متحده عربي امارت، مالیزیا او نیپال لوبډلې ګډون لري.
د افغانستان کرکټ بورډ ویلي، افغان ۱۹کلنه کرکټ ملي لوبډله چې څو ورځې وړاندې یې په متحده عربي اماراتو کې تمرینات پیل کړي، په دغو سیالیو کې د لوبو لپاره پوره چمتووالی لري.
ټاکل شوې افغانستان خپله لومړۍ لوبه سبا د شنبې په ورځ د بنګلهدېش پر وړاندې ترسره کړي.