د اسلامي امارت د ویاند مرستیال حمدالله فطرت ویلي چې د رییس الوزرا اداري مرستیال عبدالسلام حنفي نن دوشنبه مخکې له غرمې د صحي علومو انسټیټوټونو د اتحادیې مسوولانو سره لیدلي.
دغه لیدنه کې د روغتیایي انسټیټوټونو د فعالیتونو، کړنو او پروګرامونو په اړه خبرې شوي او عبدالسلام حنفي د هیواد د روغتیایي لرخې د کیفیت لوړولو کې د صحي علومو د انسټیټوټونو فعالیت مهم بللی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
عبدالسلام حنفي ویلي چې افغانستان د روغتیا په برخه کې مسلکي او متخصص انساني ځواک ته اړتیا لري او دا د دولتي او غیردولتي تحصیلي بنسټونو مسئولیتونه دي چې متخصص او تکړه ځواک ټولنې ته وړاندې کړي.
یاده کتنه کې د صحي علومو د انسټیټوټونو اتحادیې مسوولانو هم د روغتیایي کادرونو د روزنې او ځينو نورو برخو کې د ستونزو حل لپاره د مسوولانو د پاملرنې غوښتنه کړې ده.