د ملګرو ملتونو سرمنشي انتونیو ګوترېش د افغانستان او پاکستان ترمنځ د نښتو په اړه اندېښنه ښودلې.
ګوترېش یوه اعلامیه کې له دواړو لورو غوښتي چې د تاوتریخوالي له زیاتېدو ډډه وکړي او خپل اختلافات د خبرو او ډیپلوماسۍ له لارې حل کړي.
اعلامیه کې ټینګار شوی چې دواړه لوري باید خپلو نړیوالو ژمنو په ځانګړې توګه د ملکي وګړو خوندیتوب ته ژمن پاتې شي.
انتونیو ګوترېش د قطر، ترکیې او سعودي عربستان منځګړیتوب ته په اشارې سره د ډیپلوماټیکو اړیکو له لارې د هر ډول اختلافاتو د حل لپاره د هڅو پر دوام هم ټینګار کړی دی.