د پاکستان د خېبرپښتونخوا په ډېرهاسماعیل خان کې پر امنیتي پوستې د وسلوالو برید کې دوه سرتېري وژل شوي او درې نور ټپیان دي.
تراوسه د یاد برید مسوولیت کوم چا یا ډلې پر غاړه نهدی اخیستی.
د پاکستاني رسنیو د راپورونو له مخې، له تېرو څو کلونو راهیسې په دغه ایالت کې د پوځ پر ضد د وسلهوالو بریدونو زور اخیستی او دې وروستیو کې د پام وړ پراخ شوي دي.
څو ورځې وړاندې هم په ډېره اسماعیل خان کې د وسلهوالو او امنیتي ځواکونو په نښته کې د پاکستان د ځانګړو ځواکونو یو افسر وژل شوی و.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د خېبرښتونخوا د پولیسو مرکزي دفتر د معلوماتو له مخې، د روان کال په لومړیو دوهنیمو میاشتو کې پر پولیسو ۶۸ بریدونه شوي چې پهکې ۲۶ سرتېري وژل شوي دي.
د پاکستان حکومت په وار وار ویلي چې ترهګرۍ ضد مبارزې ته ژمن دي او په وینا یې، دغه هېواد کې وسلهوالې ډلې به پرې نهږدي چې خپلو موخو ته ورسېږي.
د پاکستان خېبرپښتونخوا او بلوچستان دوه هغه ایالتونه دي چې وسلهوال پهکې تر ډېره د پوځ او امنیتي ځواکونو پر ضد بریدونه کوي.