مسکو کې د اسلامي امارت سفیر مولوي ګلحسن حسن د ترکیې سفیر تنجو بیلگیچ سره تعارفي ناسته کړې.
روسیې کې د افغانستان سفارت نن جمعه دلوې ۲۴ / فبروري ۱۳ پر اېکسپاڼه لیکلي چې دې لیدنه کې د ترکیې او افغانستان د دوه اړخیزو سیاسي، اقتصادي او فرهنګي اړیکو پر پیاوړتیا او پراختیا خبرې وشوې.
ګلحسن حسن د اسلامي امارت په وړاندې د ترکیې له متوازن او پر متقابل درناوي ولاړ سیاست څخه ستاینه کړې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همداراز دواړو سفیرانو د خپلو خبرو په ترڅ کې افغان سوداګرو او ناروغانو ته د ویزو د اسانتیاوو د رامنځته کولو موضوع هم څېړلې او د دواړو هېوادونو ترمنځ یې د هر اړخیزو همکاریو پر لاپیاوړتیا ټینګار کړی دی.
په پای کې د دواړو سفارتونو ترمنځ پر دوامدارو اړیکو پاللو، همغږۍ او ورته ناستو ټینگار وشو.