د میدان وردګ ولایت د بدني روزنې او ورزش امریت مسوول ذبیحالله وهاج سلاموطندار ته وویل چې د بهسودو ولسوالي د ورزشي کمېټې په همکارۍ د فوټبال لس غوره لوبډلو ترمنځ پیل شوې سیالي چې دوه اوونۍ وړاندې یې پيل شوی وې، نن د نسل ظهور لوبډلې په اتلولۍ پای ته ورسېدې.
نوموړي همدارنګه زیاته کړه، د یادو سیالیو پایلوبې ته د نسل ظهور او ذوالفقار لوبډلو لاره موندلې وه چې په پای کې نسل ظهور لوبډلې د ۳ – ۱ ګولونو په توپیر بریا خپله کړه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
وهاج زیاته کړه، چې د دغو سیالیو موخه د فوټبال ورزش ته وده ورکول، د ځوانانو د استعدادونو رامنځته کول او د لوبغاړو ترمنځ د مینې او همغږۍ پیاوړتیا ده.
په وروستیو شېبو کې د ورزش امریت له لوري غوره لوبغاړو ته کپونه، ستاینلیکونه، مډالونه او توپونه ورکړل شول.