د سيمه ييزو چارواکو په وينا، دغه ناورین د خيبرپښتونخوا په غرنیو او لرې پرتو سيمو کې د دوو ورځو د سختو بارانونو، ناڅاپي سېلابونواو د ځمکې ښوېدنو له امله رامنځته شوی دی.
چارواکي دا پېښه د روان کال د موسمي بارانونو تر ټولو مرګونې پېښه بولي او زياتوي چې د مرګژوبلې شمېر لاهم د زياتېدو په حال کې دی.
د ژغورنې ډلې د مړو د راايستلو او د ژوندي پاتې کسانو د ژغورلو هڅې کوي، خو د غرنیو سيمو ستونزمنو لارو د مرستو بهير له خنډونو سره مخ کړی دی.
تر شنبې ورځې پورې د خيبرپښتونخوا د پېښو د مديريت ولایتي ادارې (PDMA) په وينا، د بارانونو او سېلابونو له امله د مړو شمېر ۳۰۷ ته رسېدلی او ګڼ کسان لاهم لادرکه دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
چارواکي وايي، د لادرکه کسانو د موندلو او د اغېزمنو سيمو د خلکو د ژغورنې هڅې روانې دي، خو د غرنیو لارو بندېدو او ځمکې ښوېدنو د مرستو بهير له ستونزو سره مخ کړی دی.
په ورته وخت کې د ګاونډي هېوادونو هندوستان او نېپال برخې هم د تېرو ورځو د بارانونو او سېلابونو له امله سختې ځپل شوي دي.