خیبرپښتونخوا کې وروستیو سېلابونو ۴۹۳ کیلومتره سړکونه او ۳۲ پلونه ویجاړ کړي چې د بیارغونې لپاره یې څه باندې ۹ میلیارد پاکستاني کالدارو ته اړتیا ده.
پاکستاني رسنیو نن (شنبه، سنبله لومړۍ) راپور ورکړی چې د روانې اګست میاشتې له ۱۵مې تر ۲۲مې خیبرپښتونخوا کې د سېلابونو له امله ۳۳۶ ځایونو کې ۴۹۳ کیلومتره سړکونه زیانمن شوي چې له دې جملې څخه ۵۷ سړکونه لاهم تړلي دي.
د راپور له مخې، د سړکونو د بیارغونې لګښت ۹.۴۵ میلیارد پاکستاني کالدارۍ اټکل شوی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
تر ټولو ډېر ۴۳ کیلومتره سړکونه په سوات سیمه کې ویجاړ شوي او د اټکل له مخې به پرې ۴۵۰ میلیون کالدارې لګښت راشي.
د دې ترڅنګ، خیبرپښتونخوا ایالت کې د سېلابونو له امله ۳۲ پلونو ته هم زیان اوښتی دی.
د یادونې ده چې پاکستان کې په ځانګړې توګه خیبرپښتونخوا ایالت کې دې وروستیو سېلابونو سلګونه ملکي وګړو ته مرګژوبله هم اړولې ده.