د اسلامي امارت چارواکو هغه راپورونه رد کړل چې ګواکې تېره ورځ له پاکستان څخه کوم پلاوی کابل ته راغلی دی.
د اسلامي امارت د ویاند مرستیال حمدالله فطرت سلاموطندار ته په یوه لیکلي پیغام کې ویلي چې د پلاوي راتګ تشې اوازې او د درواغو خبر دی.
له دې وړاندې تېره ورځ ځینو پاکستانیو رسنیو راپورونه خپاره کړي وو چې پر سوداګریزو اړیکو د بحث لپاره یو پاکستانی پلاوی کابل ته ځي چې د پلاوي د ترکیب او یا لیدنو په اړه یې نور جزییات نهوو ورکړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
کابل ته د پاکستاني پلاوي د راتګ اوازې داسې مهال خپرې شوې چې د افغانستان او پاکستان د ځواکونو ترمنځ پر ډیورنډ کرښه تر نښتو وروسته د یادو هېوادونو دفاع وزیرانو د قطر په پلازمېنه دوحه کې دوه اړخیزه هوکړهلیک لاسلیک کړ.
له دې نښتو راوروسته د افغانستان او پاکستان ترمنځ پر ډیورنډ کرښه لارې تړلي او دواړو لوریو ته له خلکو سربېره، له سوداګریزو توکو بار موټر هم ولاړ دي.