د هېواد په ختیځ کې زلزله ځپلو سره د چین د بشري مرستو لومړۍ جوپه نن سهار کابل ته ورسېده.
د چین د نړیوالې همکارۍ ادارې ویلي، په دغو مرستو کې ۳ زره کمپلې او ۳۵۰ خیمې شاملیږي چې ارزښت یې ۷۰۰ زره ډالرو ته رسیږي.
دغه مرستې د چین د هېواد ځواک الوتکې له لارې افغانستان ته لېږدول شوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
اخوا کونړ کې یوشمېر زلزله ځپلې کورنۍ وايي، هرڅه یې له لاسه ورکړي او د بېړنو مرستو ترڅنګ، د سرپناه جوړولو په برخه کې د بنسټیزو مرستو غوښتنه کوي.
د هېواد په ختیځ کې په ځانګړې توګه کونړ کې د تېرې اوونۍ د یکشنبې شپې په مرګونې زلزله کې د ښځو او ماشومانو په ګډون ۲۲۰۵ کسان مړه او ۳۶۴۰ نور ټپیان شوي.
د اسلامي امارت چارواکو په وینا، دغې زلزلې شاوخوا ۷۰۰۰ استوګنیز کورونه په بشپړ او نیمه بشپړ ډول وېجاړ کړي دي.