د امريکا ولسمشر ډونالډ ټرمپ، د ۲۰۲۶ کال د فوټبال نړيوال جام د قرعهکشۍ په مراسمو کې چې په واشنګټن ښار کې جوړ شوي و، د فېفا له لوري د سولې نوې جايزه ترلاسه کړه.
د فېفا رییس جياني اينفانتينو، د جايزې د سپارلو پرمهال وويل چې ټرمپ د نړۍ د سولې په برخه کې د خپلو هڅو له امله د دې جايزې مستحق بلل شوی دی. دا جايزه سږکال د لومړي ځل لپاره معرفي او ټرمپ ته ورکړل شوې ده.
ټرمپ د جايزې تر ترلاسه کولو وروسته دا «د خپل ژوند له تر ټولو سترو ویاړونو» څخه وبلله.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ۲۰۲۶ کال د نارينهوو نړيوال جام سيالۍ به د امریکا، کاناډا او مکسیکو په ګډ کوربتوب کېږي او د جون ۱۱مې څخه تر ۱۹ پورې به دوام وکړي.
خو د دې جايزې ورکړه له سختو نیوکو سره هم مخ شوې ده. د بشري حقونو یوشمېر ډلو د انتخاب د بهير د شفافيت په اړه اندېښنه څرګنده کړې او د ټرمپ د کډوالۍ او پوځي تګلارو په اړه نیوکې کوي.