د هرات د سوداګرۍ او پانګونې خونې مسوولان وايي چې د روان کال لومړیو شپږو میاشتو کې له دغه ولایت د صادراتو کچه ۹۸سلنه زیاته شوې.
د هرات صادرات د اسلامقلعه او تورغونډۍ بندرونو له لارې نورو ولایتونو او هېوادونو ته کېږي.
د سلاموطندار پښتو فېسبوکپاڼه وڅارئ
د هرات د سوداګرۍ او پانګونې خونې اجراییه امر محمدیوسف امین سلاموطندار ته وايي چې د هرات په صادراتي توکو کې حیواني، کرنیز محصولات، کورني تولیدات او معدني مواد دي چې عربيمتحده امارات، د مرکزي اسیا، اروپايي هېوادونو او امریکا ته لېږدول شوې دي.
نوموړي له دغه ولایت د صادراتو د کچې لوړېدو اصلي لامل د کانونو استخراج، د کورنیو تولیداتو زیاتوالی، د کرنیزو محصولاتو کیفیت ښهوالی، د لویو لارو امنیت ټينګښت او سوداګرو ته اسانتیاوو رامنځتهکېدل بولي.
د هرات د سوداګرۍ او پانګونې خونې مسوولان همداراز زیاتوي چې دغه صادرات د ځمکنیو بندرونو او اوسپنې پټلۍ له لارې شوې دي.