د کار او ټولنيزو چارو وزارت د کار چارو مرستيال مولوي محمدزاهد احمدزی وايي، هرکال هېواد کې ۲۰زره کسان له حرفوي زدهکړو فارغېږي.
د نوموړي په وينا، دامهال هېواد کې د حرفوي زدهکړو۵۲ فعال مرکزونه شته چې هر کال ترې شل زره کسان فارغېږي او وزارت هڅه کوي، څو د حرفوي زدهکړو مرکزونه ولسواليو کې هم فعال کړي.
د سلاموطندار پښتو فېسبوکپاڼه وڅارئ
مولوي محمدزاهد احمدزي دغه څرګندونې نن پنجشنبه، لړم ۲۴مه پکتيا مرکز ګردېز کې له ولسي خلکو سره په يوه غونډه کې کړې دي.
نوموړي وویل: «د کار او ټولنيزو چارو وزارت يو کليدي وزارت دی؛ موږ په ټول هېواد کې ۵۲ فعال د حرفوي زدهکړو مرکزونه لرو چې هر کال ترې ۲۰زره کسان حرفوي زدهکړو فارغيږي. خلکو ته کار پيدا کول د حکومت مسوليت دی او دا کار کوو.»
د کار او ټولنيزو چارو وزارت مرستيال همداشان وويل چې د هېواد په کچه وزګارتیا دومره نهده، څومره چې دښمنانو د تبليغ زريعه ګرځولې.
په غونډه کې يوشمېر کسانو د کار او ټولنيزو چارو وزارت له مسوولانو وغوښتل چې د پکتيا ځوانانو ته دې د عصري زدهکړو زمينې ترڅنګ عربي هېوادونو ته د کار لپاره تللو اسانتیاېو برابر کړي.
د ګردېز یوه اوسېدونکي محمدايوب په خپلو خبرو کې له مسوولانو وغوښتل چې بېروزګاره ځوانانو ته دې د حرفوي او عصري زدهکړو زمينه هم برابره کړي.
د کار او ټولنيزو چارو وزارت مرستيال د معلوماتو له مخې، د وزارتونو، خصوصي سکتور او نورو ادارو سره يې تفاهومونه لاسليک کړي چې تر راتلونکو پنځو کلونو کې به شاوخوا ۱٫۴ ميليونه کسان په کار وګوماري.