د پکتيا بېلا بېلو ادارو څخه يو ځانګړی ټيم د کونړ زلزله ځپلو سره د لومړنيو مرستو لپاره دغه ولايت ته تللی.
د پکتيا عامې روغتيا ريس ډاکټر معراج ګل عادل وويل، ياد ټيم کې د جراحي او داخله برخې ډاکټران، بېلا بېل لومړني درمل او ټپيانو لپاره يوه اندازه وينه شامله ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه وويل چې ياد مرسته کوونکی ټيم کې د عامې روغتيا رياست اړوند ډاکټران، د ۲۰۳ منصوري قول اردو، سرې میاشتې او امنيه قومنداني روغتيايي ټيمونه شامل دي.
هغه زياته کړه چې د ولايتي ادارې لخوا د نورو مرستو راټولولو لپاره هم کميټې جوړې شوي دي.
د اسلامي امارت د چارواکو په وینا، یوازې کونړ کې د وړمې شپې زلزلې له امله تر ۱۴۱۱ زیات کسان مړه او تر ۳۰۰۰ نور ټپیان شوي دي.