د امریکا ولسمشر ډونالډ ټرمپ وايي، که اړتیا شوه چمتو دی چې د ایران پر اټومي تاسیساتو په پرلهپسې توګه بیا بریدونه وکړي.
ټرمپ نن سهشنیه، جولای ۲۲مه پر خپله «ټرټ سوشیل میډیا» یو ځل بیا ادعا کړې چې پر ایران د امریکا د بریدونو له امله د دغه هېواد اټومي سایټونه لهمنځه وړل شوي دي.
د نوموړي دغه څرګندونې د ایران بهرنیو چارو وزیر عباس عراقچي د هغو خبرو په غبرکون کې وې چې ویلي یې دي، د ایران اټومي پروګرام د امریکا او اسراییلو د بریدونو پرمهال د اوښتو زیانونو له امله درېدلی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خو عباس عراقچي زیاته کړې چې ایران به د یورانیمو له غني کولو لاس وانخلي او اوس مهال امریکا سره خبرو ته نهدی چمتو. هغه دغه څرګندونې له فاکس نیوز سره مرکه کې کړې دي.
امریکا د تېرې جون میاشتې پر ۱۲مه د بي-۲ الوتکو په مرسته د ایران پر درېوو اټومي تاسیساتو «نطنز، اصفحان او فردو» بریدونه وکړل. د امریکا ولسمشر ډونالډ ټرمپ له دې وروسته څو ځلې ویلي چې د ایران اټومي تاسیسات یې، لهمنځه وړي دي.