د امریکا ولسمشر ډونالډ ټرمپ غزه کې روان وضعیت ترینګلی او اندېښمنونکی بللی او پر حماس یې تور لګولی چې غزې ته لېږدېدونکي توکي غلا کوي.
حماس تراوسه د ټرمپ د دې ادعا په تړاو کوم غبرګون نهدی ښودلی.
ډونالډ ټرمپ په سپینه ماڼۍ کې خبریالانو ته وویل: «غواړم ډاډ ترلاسه کړم چې مرستې د غزې اوسېدونکي ترلاسه کوي.»
د نوموړي په وینا امریکا دوه اوونۍ وړاند د غزې اوسېدونکو ته ۶۰ میلیونه ډالر ځانکړي کړي وو چې په وینا یې، «د دې مرستو هېڅ پایله نهلیدل کېږي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د امریکا ولسمشر دغه څرګندونې منځني ختیځ ته د نوموړي د ځانګړي استازي له سفر څو ساعته مخکې کړې دي.
د منځني ختیځ لپاره د امریکا ځانګړی استازی استیو ویتکاف به له اسراییلو چارواکو سره غزه کې د مرستو وېش اړوند د یوې طرحې پر جوړولو او نورو موضوعاتو خبرې وکړي.
په ورته مهال سرچینو نړیوالو رسنیو ته ویلي چې اسراییلي ځواکونو د غزې مرکز او سوېل کې د بشردوستانه مرستو وېش مرکزونو ته نږدې ټانکونه او پوځي تجهیزات ځای پر ځای کړي دي.