د امریکا ولسمشر ډونالډ ټرمپ له لوري د کیوبا په اړه وروستیو څرګندونو د سیاسي کړکېچ نوې اندېښنې راپارولي دي. نوموړي د میامي ښار کې د پانګونې یوې غونډې ته په وینا کې وویل چې کیوبا ښايي د واشنګټن راتلونکی هدف وي.
ټرمپ ویلي: «ما یو قوي پوځ جوړ کړ. ما وویل چې هېڅکله به اړتیا نه وي چې ترې استفاده وشي، خو کله ناکله مجبوره کېږئ او کیوبا بل هدف دی.»
د راپورونو له مخې، د امریکا حکومت په وروستیو اوونیو کې د کیوبا له ځینو لوړپوړو چارواکو سره خبرې پیل کړي، څو د تاوتریخوالي د زیاتېدو مخه ونیول شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خو ټرمپ په خپلو خبرو کې دا هم څرګنده کړې چې که اړتیا پېښه شي، پوځي اقدام هم امکان لري.
په ورته وخت کې، د کیوبا اقتصادي وضعیت سخت خراب شوی دی. د ونزویلا له لوري د نفتو د صادراتو درېدلو، چې مخکې یې د دې هېواد د انرژۍ ډېره برخه برابروله، د کیوبا اقتصاد له جدي ستونزو سره مخ کړی دی.
شنونکي باور لري چې د واشنګټن او هاوانا ترمنځ د اړیکو هر ډول خرابوالی کولای شي نه یوازې سیمه ییز، بلکې نړیوال سیاسي وضعیت هم لا پېچلی کړي.