د ډنمارک لومړۍ وزیرې مېته فریډریکسن خبرداری ورکړی، که امریکا د ګرینلنډ د نیولو یا تر مستقیم کنټرول لاندې راوستلو هڅه وکړي، د دې په وینا، دا به د ناټو پوځي تړون د پای لامل شي.
نوموړې دا څرګندونې تېره ورځ وروسته له هغې وکړې چې د امریکا ولسمشر ډونالډ ټرمپ یو ځل بیا د ستراتیژیک ارزښت لرونکي ګرینلنډ د نیولو غوښتنه تکرار کړه.
فریډریکسن ویلي، ګرینلنډ د ډنمارک د سلطنت خپلواکه برخه ده او راتلونکی یې، یوازې د ګرینلنډ د خلکو لهخوا ټاکل کېدای شي، نه د بهرنیو ځواکونو په فشار.!
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغې زیاته کړه چې د امریکا دا ډول کړنې د نړیوالو قوانینو او د ناټو د ګډو ارزښتونو خلاف دي.
دا خبرداری په داسې حال کې ورکول کېږي چې د امریکا له لوري پر ونزویلا پوځي برید او د دغه هېواد د مشر تښتولکېدو نړیوال غبرګونونه راپارولي او ګڼ هېوادونه د واشنګټن پر تهاجمي سیاستونو اندېښنه ښيي.
سیاسي شنونکي وايي، که امریکا پر خپلو متحدینو فشار ته دوام ورکړي، د ناټو یووالی به سخت زیانمن شي او نړیوال امنیت به له جدي ګواښ سره مخ شي.