د لوګر د کرېکټ امریت مسوولان وایي، دغه سیالي د ۱۷ کلنو څخه کم عمره ځوانانو ترمنځ درې ورځې وړاندې د ولایتي منتخبې لوبډلې د جوړولو په موخه پیل شوې وې چې د لوګر A(U17) لوبډلې په بریا پای ته ورسېدې.
د کرېکټ امر، حشمتالله ستانکزي سلاموطندار ته وویل: «دغه سیالي چې د ولایت منتخبې لوبډلې د جوړولو په موخه د ولایت په کچه د څلور مخکښو لوبډلو او شاوخوا ۶۰ تنو لوبغاړو ترمنځ پرلاره اچول شوې وي، د لوګر کرټ A لوبډلې د خپل مهارت، همغږي او زړورتیا له مخې د نورو سیالو لوبډلو پر وړاندې غوره لوبې وکړې او بریا یې ترلاسه کړه.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ستانکزي، د یادو سیالیو موخه د ولایتي منتخبې لوبډلې جوړول یاد کړ او زیاته یې کړه، چې له دې سره به د لوګر په استازیتوب په سیالیو کې وړ لوبغاړي ولوبیږي.
د یادونې وړ ده چې تر دې وړاندې د لوګر په کچه د لوبډلو ترمنځ د سولې جام تر سرلیک لاندې سیالۍ د احمد اباد لوبډلې په بریا پای ته رسېدلي وو.