د ګردېز ښاروالي مسوولان وايي چې د ښار اړوند د ولايت مقام او امنيه قومنداني ترمنځ د کابل- ګردېز عمومي لين سړک د ۱۲۰۶ مترو په اوږدوالي د جوړيدو چارې پيل شوې دي.
د ياد سړک د جوړېدو چارو پيل مراسمو کې ګردېز ښاروال حبيبالله اخندزاده حامد وويل چې د ياد سړک لګښت د ښاروالي له بوديجې ورکول کېږي چې چارې به یې، د ژمي تر رارسيدو وړاندې بشپړې شي.
مسوولانو وويل، دا سړک چې د کابل- ګردېز عمومي لين هم دی چې پخوا جوړ شوی و، اوس خراب شوی چې ښاريانو ترڅنګ يې، د نورو ولايتونو ډریورانو ته هم ستونزې جوړې کړې وې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په يادو مراسمو کې بيا د پکتيا مرستيال والي انعامالله صلاحالدین وويل چې د پروژو تطبيق پرمهال د چارو کيفيت ته بايد ځانګړی پام وشي.
هغه وويل چې د ژمي تر رارسيدو وړاندې به د ياد سړک چارې بشپړې شي او د ګردېز ښاريانو ترڅنګ به د نورو ولايتونو مسافرو ته اسانتياوې رامنځته شي.
ګردېز ښاريان هم د ياد سړک دوباره جوړېدو باندې خوښي څرګندوي.
ګردېز ښار اوسېدونکي احسان وويل چې د ياد سړک خرابوالي له امله خلک له ګڼو ستونزو سره مخ و او په جوړيدو به يې خلکو ته د تګراتګ په وخت اسانتياوې رامنځته شي.
هغوی د ښاروالي له مسولانو غوښتنه وکړه چې د سړک جوړيدو پرمهال دې د چارو کيفيت ښه والي ته پام وکړي.