د خوست ځايي مسوولان وايي، د اسماعیلخېلو مندوزیو ولسوالي په بېلابېلو کليو کې د ٢٣ بابه عصري شنو خونو جوړولو چارې پيل شوې.
د خوست ولایت مقام نن (پنجشنبه، اسد نهمه) يوه خبرپاڼه کې ویلي، دغه شنې خونې د کرنې، اوبو لګولو او مالدارۍ ریاست تر چتر لاندې، د ملګرو ملتونو د پرمختیايي پروګرام (UNDP) په مالي ملاتړ جوړیږي.
خبرپاڼه کې ویل شوي چې د یادې پروژې هدف د کليوالي باغوانانو تولیدي ظرفیت لوړول، د موسمي سبزیو تولید زیاتول او د اقتصادي پیاوړتیا لپاره د دوامداره حل لارې برابرول دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خبرپاڼه کې راغلي چې په يادو شنو خونو څه کم ۳ ميليون افغانۍ لګښت کيږي چې د ملګرو ملتونو د پرمختیايي پروګرام لخوا ورکول کيږي.
د دغو ۲۳ شنو خونو جوړول نه یوازې د سړو موسمونو لپاره د سبو تولید ته زمینه برابروي، بلکې کورنیو ته د عوایدو د لاسته راوړنې یوه غوره لاره هم ده.
دوی له مسوولانو غوښتنه وکړه چې د سبزيجاتو اوبه کولو لپاره دې ورته د سولر سېستم برابر او هم دې نورو شنوخونو جوړولو لپاره اقدام وشي.