د ملي دفاع وزارت مسوولان وايي چې سرپرست حکومت د یوې پیاوړې او پرمختللې اردو د جوړولو لپاره هڅې کوي او په وینا یې، له همدې امله خپله ډېره بودیجه دې برخه کې لګوي. د دفاع وزارت د یوکلنو لاستهراوړنو د تشرېح پروګرام کې لوی درستیز محمدفصېحالدین فطرت وویل چې هڅه کوي، څو د پرمختللو هېوادونو په څېر یوه اردو جوړه کړي.
د سرپرست حکومت د دفاع وزارت مسوولان وايي چې اوزبکستان کې د افغانستا چورلکو په اړه هر ډول معامله د منلو وړ نهده او امریکا د افغانانو د شتمنیو د ډالۍ حق نهلري. یاد وزارت له اوزبکستان غوښتنه کړې چې افغانستان ته د چورلکو او الوتکو د بېرته لېږد برخه کې همکاري وکړي.
د کورنیو چارو وزارت مسوولان وايي چې تېرکال د هېواد په کچه د انسانتښتونکو پر وړاندې ۲۵۰ عملیاتونه شوي چې پرمهال یې، ۳۴ انسانتښتونکي وژل شوي او ۷۶ نور ټپیان شوې دي.
د یاد وزارت مسوولانو دغه څرګندونې نن سهشنبه، وږي شپږمه کابل کې د یاد وزارت د یوکلنو لاستهراوړنو د تشرېح پروګرام کې کړې دي.
د بهرنیو چارو وزارت د ویاند مرستیال حافظ ضیااحمد تکل وايي، د پاکستان بهرنیوچارو وزارت استازي چې د کومو ستونزو او خطرونو نسبت افغانستان ته کړی، د هغه احتمال له پاکستان څخه لیدل کېږي.
خوست کې امنیتي مسوولان وايي چې دغه ولایت کې یې، د غلو یوه پنځه کسیزه ډله نیولې ده.
د خوست امنیه قومنداني څخه سلاموطندار ته په لېږل شوې خبرپاڼه کې ویل شوي چې د جنايي جرمونو سره مبارزې مديريت ځواکونو د عليشېرو او ترېزیو ولسوالي کې دغه ډله نیولې.
د پکتیا مرستیال والي عزیزالرحمن منصور په دغه ولایت کې د اسلامي امارت د بیاواکمنېدو د درېیم کال نمانځغونډه کې له نظامیانو غوښتنه وکړه چې له خلکو سره ښه چلند وکړي.
د لوګر والي ضیاالرحمن مدني وايي، اسلامي امارت د ولس په همکاري واک ته رسېدلی او له ټولو ملکي او نظامي مسوولانو یې غوښتنه وکړه چې د ولس همکاري هېره نهکړي.
د غزې د روغتیا وزارت ویلي چې په تېرو ۲۴ ساعتونو کې د غزې پر تړانګې د اسراییلو بریدونو کې لږترلږه ۴۰ کسان وژل شوي او ۷۱ نور ټپیان دي.
د الجزیرې خبري شبکې نن (د زمري شپاړلسمه، سهشنبه) راپور ورکړی چې اسراییلي ځواکونو په تېرو ۲۴ ساعتونو کې پر فلسطینیانو درې بریدونه کړي دي.
په تهران کې د حماس د سیاسي دفتر د مشر اسماعیل هنیه له وژل کېدو وروسته په منځني ختیځ کې د شخړو د زیاتېدو په اړه د اندېښنو په دوام، امریکا پر اسرابیلو د ایران د احتمالي برید خبرداری ورکړی دی.
د اکسيوس د راپور پر بنسټ، د امريکا د بهرنيو چارو وزير انټونيو بلېنکن د جي۷ هېوادونو د بهرنيو چارو وزيرانو په غونډه کې ویلي چې شونې ده ايران له دوشنبې څخه د اسراييلو پر ضد بريدونه پلان کړي.
سرپرست حکومت په یوې خبرپاڼه کې ویلي: «په داسې حال کې چې اسلامي امارت د فلسطین له سپېڅلې خاورې، د حماس اسلامي غورځنګ د دفاع اسلامي او انساني وجیبه ګڼي او د یرغلګرو صهیونیستي رژیم وحشتونه، بمبارونه او د فلسطیني مسلمانانو وژنه په کلکو ټکو غندي او بشري جنایت یې بولي. د دغه ستر مجاهد شهادت د اسلامي امت او جهادي کاروان لپاره لویه ضایعه بولي.»
د بهرنیو چارو وزارت سرپرست امیرخان متقي وايي، افغانستان کې زورواکي لهمنځه تللې او ډلې-ټپلې ختمې شوې دي.
نوموړي دغه څرګندونې نن سهشنبه، زمري دویمه، کابل کې «د کار ملي کنفرانس» ته کړې دي. هغه دې کنفرانس ته وویل، هېواد کې زورواکي، ډلې او ټپلې لهمنځه تللي او په وینا یې، د فساد مخنیوی شوی او پر لویو پروژو کار روان دی.
روزګان کې د استرالیا د ځانګړو ځواکونو لهخوا د جنګي جنایتونو د قربانیانو یوشمېر کورنۍ سلاموطندار ته وايي، اسټرالیايي ځواکونو به د شپې مهال د دوی پر کورونو چاپه وهله او د کورنۍ بې ګناه غړي یې ور وژلي دي.
د یاد ولايت د چورې ولسوالي اوسېدونکى نبي، وايي چې د اسټراليايي ځواکونو د بريد په پايله کې يې د کورنۍ شپږ غړي وژل شوي او درې نور ټپيان دي.
د امریکا د جمهوري غوښتونکو ګوند نوماندا او د دغه هېواد پخواني ولسمشر ډونالډ ټرمپ ادعا کړې چې له افغانستانه د دغه هېواد د ځواکونو له وتلو وروسته د ۸۵ میلیارډه ډالرو په ارزښت د امریکا پوځي تجهیزات پاتې شوي چې په خبره يې، افغانستان د امریکايي وسلو د خرڅلاو په تر ټولو لوی بازار بدل شوی دی.
د ایران د استازو جرګې د ملي امنیت کمېسیون غړی یعقوب رضازاده وايي، د افغانستان او پاکستان حکومتونه په خپلو سرحدي سیمو کنټرول نهلري او قاچاقوړونکي او ترهګرې ډلې د افغانستان او پاکستان پولو ته څېرمه فعالیت کوي. خو سرپرست حکومت ډاډ ورکوي چې ترهګرو ډلو ته اجازه نهورکوي، څو د افغانستان پولو کې فعالیت وکړي.
د پروان امنیې قومنداني مسوولان وايي چې د دغه ولایت په جبلالسراج ولسوالي کې ناپېژنده کسانو د جومات ملا امام وژلی دی.
د یاد ولایت د امنیې قومنداني ویاند فضلالرحیم مسکینیار نن جمعه، چنګاښ ۲۹مه سلاموطندار ته وویل چې وژل شوی امام «محمود» نومېږي او ۲۷ کاله عمر لري. د هغه په خبره، دغه کس په ښکاري ټوپک وژل شوی دی.
د لوګر امنیه قومنداني چارواکي وایي چې تېره ورځ «یکشنبه، چنګاښ ۲۴مه» په محمداغې ولسوالي کې په دوه جلاجلا امنیتي پېښو کې د یوه قومي مشر په ګډون دوه کسان وژل شوي دي.
د دغه ولایت امنیه قومنداني ویاند احمدالله انس سلاموطندار ته وویل، د محمداغې ولسوالي په «کیشم» سیمه کې د کورنۍ ستونزو له امله یوه پلار خپل ۱۸ کلن زوی د چاقو په ګزارونو وژلی دی.
