اسراییلي ځواکونو د غزې پر بېلا بېلو سیمو بریدونو ته دوام ورکړی او یوازې تېره ورځ جمعه دغو بریدونو کې ۱۰۶ فلسطینیان وژل شوي او ګڼ شمېر نور ټپیان دي.
د راپورونو پر اساس، ۱۲ کسان هغه وخت ووژل شول او ۹۰ نور ټپیان شول کله چې اسراییلي ځواکونو هغه ملکي وګړي په نښه کړل چې د غزې ښار جنوب لوېدیځ کې د مرستو لپاره راټول شوي وو.
د روزګان محلي مسوولان وايي چې د یاد ولایت په ترینکوټ ښار کې د کشفي عملیاتو پرمهال وسلې او مهمات نیول شوي دي.
د دوی په وینا، امنیتي ځواکونو د ترینکوټ ښار اړوند خیروکارېز سیمه کې د پخواني حکومت د امنیت د امر د یوه ساتونکي پر کور عملیات شوي چې له امله یې یو لړ ناقانونه وسلې او مهمات ترلاسه شوي دي.
د غزې روغتیايي چارواکو ویلي، اسراییلي ځواکونو یوازې تېره ورځ ۷۱ فلسطینیان د بشري مرستو ترلاسهکولو پرمهال وژلي او ګڼ شمېر نور ټپیان کړي.
د راپورونو پر اساس، تېرو شاوخوا دریو میاشتو کې د اسراییلي ځواکونو لخوا د مرستو په لټه کې له ۱۰۰۰ ډېر فلسطینیان وژل شوي.
د خوست امنیه قومنداني مسوولان وايي چې دغه ولایت کې یې، د جعلي ویزو او دعوتنامو د جوړولو په تړاو یو کس نیولی دی.
د امنیه قومنداني له لوري په خپره شوې خبرپاڼه کې ویل شوي چې له جنایي جرمونو سره د مبارزې منسوبینو په خوست ښار کې هغه کس نیولی چې خلکو ته به یې، جعلي ویزې او دعوتنامې د اصلي په نوم پلورلې او له دې لارې یې له خلکو زرګونه ډالر اخیستي وو.
د روزګان امنیتي مسوولان وايي چې د یاد ولایت په اړوند سیمه کې یې، د وسلو او مهماتو یوه لویه ډېپو کشف او ضبط کړې ده.
د دغه ولایت د امنیه قومنداني ویاند بلال احمد روزګانی سلاموطندار ته وايي چې دغه ډېپو د مرکز ترینکوټ ښار په تالاني سیمه کې د پخواني حکومت د یوه چارواکي په کور کې موندل شوې ده.
د ټایلنډ او کمبودیا ترمنځ نښتې تېره ورځ د سرحدي سیمې پر سر د شخړې په دلیل پیل شوې چې نن جمعه د دویمې ورځې لپاره هم دوام لري.
د ټایلنډ حکومت ویلي، دغو نښتو کې یې د یوه سرتیري په شمول ۱۴ کسان وژل شوي.
د ټایلنډ چارواکو په وینا، کمبودیا سره پوله کې له مېشتو سیمو د تخلیه شویو ملکي کسانو شمېر هم تر ۱۳۸ زره کسانو زیات شوی.
د لوګر امنیه قومنداني مسوولان وایي چې د خوښیو مراسمو کې په هر ډول ډزو بندیز لګېدلی او هټيوال نهشي کولای چې پر خلکو فشنګونه او پټاقۍ وپلوري.
د دفاع وزارت د پوځ لوی درستیز قاري فصیح الدین فطرت پرته له دې چې د کوم هېواد نوم واخلي وايي، ډیورنډ فرضي کرښه کې لګول شوی اغزن سیم د منلو نهدی.
هغه نن یوې غونډې ته وویل، تېرو څو کلونو کې ځینو هېوادونو سره سرحدي پولو کې نښتې شوي، خو په وینا یې هڅه شوې چې ستونزې د خبرو له لارې حل شي.
د ملي دفاع وزارت مسوولان وايي چې دا مهال د یاد وزارت په چواکاټ کې د «اسلامي اردو» شمېر له ۱۵۰ تر ۲۰۰زره ته رسېږي.
د دفاع وزارت لوی درستیز قاري فصېحالدین فطرت وايي چې ګاونډیو هېوادونو ته لېږدول شویو چورلکیو په اړه خبرې روانې دي او په وینا یې، دغه چورلکې د افغانستان دي او دوی ترې نهتېرېږي.
نوموړي دغه څرګندونې نن سهشنبه، د چنګاښ ۳۱مه د ملي دفاع وزارت د یو کلنو لاستهراوړونو د تشرېح پروګرام کې کړې دي.
د دفاع وزارت د پالېسۍ او ستراتېژۍ مرستیال محمدقاسم فرید وايي چې دغه وزارت کې پخوانیو منسوبینو له دوی زدهکړه کړې او ټول مسلکي کسان نهوو.
د نوموړي په وینا، له مخکیني حکومت راهیسې د یاد وزارت کارمندانو او منسوبینو څخه یې، زدهکړه نهده کړې، بلکې یادو کارمندانو له دوی زدهکړه کړې ده.
د پکتيکا امنيه قومنداني مسوولان وايي چې هغه دوه کسان یې، نیولي چې یو ماشوم یې تر ډبرو لاندې کړی و.
د پکتیکا امنيه قومنداني څخه په استول شوې خبرپاڼه کې راغلي چې سروبي ولسوالي د امنیه قومنداني منسوبینو هغه دوه ماشومان نیولي چې یو درې کلن ماشوم یې، تر ډبرو لاندې کړی و.
د پکتیکا امنیتي مسوولان وايي چې دغه ولایت کې یې، هغه کس نیولی چې خپل خُسر یې، وژلی و.
د پکتیکا امنیه قومانداني څخه سلاموطندار ته په استول شوې خبرپاڼه کې ویل شوي چې د زرغون شهر ولسوالي د جنايي جرمونو پروړاندې د مبارزې مدیریت منسوبینو هغه قاتل نيولی چې خسر يې په خپل کور کې د ټوپک په وسيله وژلی و.
د ننګرهار امنیتي مسوولان وايي چې دغه ولایت کې د «لډو لوبې» پر سر د رامنځته شوې شخړې له امله یوه ځوان خپل ژوند له لاسه ورکړی دی.
د دوی په وینا، پېښه د کامې ولسوالي اړوند د قلعهاخند سیمې کې د دوو کلیوالو تر منځ د لډو لوبې پر سر رامنځته شوې وه.
د هلمند امنیه قومنداني د نشهيي توکو پر ضد د مبارزې مدیریت د عملیاتو پرمهال د ګرمسېر او خانشین ولسوالیو په اړوند سیمو کې په لویه کچه نشهيي توکي نیولي دي.
د ۲۰۲۳ کال اکټوبر میاشت کې پر غزې د اسراییلي ځواکونو د بریدونو له پیل راهیسې د وژل شویو فلسطینیانو شمېر ۵۸ زره او ۲۶ کسانو ته ورسېد.
الجزیرې شبکې راپور ورکړی چې د بریدونو پرمهال شاوخوا ۱۳۸ زره نور ټپیان شوي هم دي.
راپور کې ویل شوي چې یوازې تېره ورځ یکشنبه د یوه مشهور ډاکټر او اوو ماشومانو په ګډون ۹۵ فسطینیان ووژل شول.
