سلاموطندار د هنر برخه کې له ۲۳ ځوانانو سره مرکې کړي چې د مرکو پرمهال موندل شوې، دغه ځوانان له بېلابېلو ستونزو سره لاس او ګرېوان دي.
د مرکو پرمهال ځوانانو ویلي چې مالي ملاتړ نهلري، ټولنه کې ورته پام نهکېږي او د کار وسایلو ته د نهلاسرسي ترڅنګ، د خپلو اثارو پلور ته بازار هم نهلري.
د ننګرهار د کرنې، اوبولګولو او مالدارۍ ریاست مسوولان وايي چې یاد ولایت کې د ۱۸ میلیونه افغانیو په لګښت چکډېمونه جوړېږي.
د کرنې، اوبولګولو او مالدارۍ رییس مولوي محمدولي محسن وایي چې دغه چکډېومونه به د یاد ولایت په اوو ولسوالیو کې جوړ شي.
د کندهار د کرنې، اوبولګولو او مالدارۍ ریاست مسوولان وايي چې دغه ولایت کې د «طبق» ناروغي پر وړاندې شاوخوا ۲۵زره غواګانې واکسین شوي دي.
د واکسین دغه کمپاین د یاد ولایت د کرنې ریاست او د خوراک او کرنې نړیوالې ادارې په مالي ملاتړ شوی دی.
د هرا د سوداګرۍ او صنایعو خونې مسوولان وايي چې دغه ولایت کې د «پستې» صادرات ۲۰سلنه زیات شوي دي.
د یاد ولایت د سوداګرۍ او پانګونې خونې اجراییه امر محمدیوسف امین سلاموطندار ته وايي چې د وروستیو نهو میاشتو پرمهال له دغه ولایت د ۲۴ میلیونه او ۶۷۶زره ډالرو په ارزښت بهر ته پسته صادره شوې.
د هلمند د کرنې ریاست مسوولان وايي چې د یاد ریاست په قوره کې پر لس جریبه ځمکه د غز او شین غزي نیا لګیو د روزنې هڅې پیل شوي دي.
دغه نیالګي به راتلونکی کال د یاد ولایت په ریګي او دښتي سیمو کې د زرغونولو لپاره ولګول شي.
د چاپېریال ساتنې ملي ادارې مسوولان وايي چې د تېرکال په پرتله د سږکال لسو میاشتو پرمهال په هېواد کې د هوا ککړتیا کچه کمه شوې.
د یادې ادارې مسوولانو دغه څرګندونې نن یکشنبه، سلواغې ۱۳مه کابل کې د یوې خبري ناستې پرمهال کړې دي.
د پکتیا د کار او ټولنيزو چارو رياست مسولان وايي چې د مرکز ګردېز اړوند رباط او احمدابا ولسوالي کې ۸۰ اړمنو کورنيو باندې د خیاطي وسایلو یا کېټونه وېشلې دي.
د عامې روغتیا وزارت مسوولان وايي چې د یاد وزارت سرپرست په افغانستان کې د یوشمېر نړیوالو موسسو او سازمانو له استازیو سره کتلي دي.
یاد وزارت نن شنبه، سلواغې ۱۳مه، پر خپله اېکسپاڼه یوې خپره کړې خبرپاڼه کې ویلي چې د یاد وزارت سرپرست نورجلال جلالي د «Save the Children ،World Vision ،IMC او CRS» بنسټونو له استازیو سره په خپل کاري دفتر کې لیدلي دي.
د فراه محلي مسوولان وايي چې دغه ولایت کې یوه سوداګر په خپل شخصي لګښت جومات جوړ کړی دی.
دغه جومات د فراه ښار په «دېګفروش» کلي جوړ شوی دی.
د هرات د صنعت او سوداګرۍ رییس بشېرمحمد سیرت وايي چې دا مهال دغه ولایت کې د رنګ تولید پنځه کارخونې فعالې دي او هرات د رنګ تولید برخه کې ځانبسیاینې ته رسېدلی دی.
هرات کې د افغان فیضي رنګ کارخونې رییس جمشید فیضي وايي چې دغه کارخونه په ورځ کې ۵۰ ټُنه رنګ تولیدي او د کورني بازار د رنګ اړتیا په سمه توګه برابرولی شي.
د برښنا شرکت مشر عبدالباري عمر وايي چې د برښنا تولید ډېروالي په موخه له کورنیو سرچینو څخه د برښنا تولید ۱۳ نوې پروژې پرانېستل کېږي.
نوموړي پر خپله اېکسپاڼه لیکلي چې دغه پروژې تر راتلونکې یوې یا دوو میاشتو پورې پرانېستل شي.
د اقتصاد وزارت مرستیال عبداللطیف نظري وايي چې د امریکا د مرستو ځنډېدو وروسته، د هېواد په ۲۸ ولایتونو کې د ۵۰ نړیوالو موسسو او مرستندویه ادارو فعالیتونه ځنډول شوي دي.
نوموړي دغه څرګندونې سهشنبه، سلواغې نهمه کابل کې د یوې خبري ناستې پرمهال رسنیو ته کړې دي.
د سرپرست حکومت ریاستالوزرا په یوه تازه حکم کې ویلي چې د هوايي ډګرونو له لارې له ۵۰۰۰ ډالرو ډېر او د ځمکې له لارې له ۵۰۰ ډالرو زیات بهر ته د لېږد اجازه نشته.
په دې حکم چې نن چهارشنبه، سلواغې لسمه خپور شوی، همداراز خبرداری ورکړل شوی چې له سرغړونکو سره به قانوني چلن کېږي.
د کار او ټولنيزو چارو وزارت چارواکي وايي، په کابل کې د تخنيکي او مسلکي زدهکړو مرکز څخه په اوو څانګو کې ۳۵۰ کسانو د فرغت سندونه ترلاسه کړل. دغو کسانو ته د خیاطۍ، نلدوانۍ، د برښنایی وسایلو د ترمیم، ودانیز چارو، کمپیوټر، فلزکارۍ او نورو برخو کې شپږ میاشتني او نهه میاشتني ښوونیز دوره کې روزنه ورکړل شوې.
د خوست د نادرشاه کوټ ولسوالي څخه د دغه ولایت تر قلندر ولسوالي پورې د ۱۴ کیلو مټره سړک د جوړېدو چارې پیل شوې.
د خوست ولايت مقام څخه سلاموطندار ته په رالېږل شوې خبرپاڼه کې ويل شوي چې د نادرشاه کوټ ولسوالي د ځنيخيلو شمبوات بازار څخه تر قلندر ولسوالي پورې د ۱۴ کيلومتره سړک اساسي جوړونې چارې پيل شوې.
د افغانستان د بانک مسوولان وايي چې سبا «چهارشنبه، سلواغې لسمه» به «۲۷» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (سهشنبه، سلواغې نهمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا چهارشنبه «۲۷» میلیونه امریکايي ډالر لیلام کړي.
