د بامیان محلي مسوولان وايي چې د واورې ورښت له امله د کابل-بامیان او دایکندي او غور لویې لارې له بېګاه شپې راهیسې تړل شوي دي.
د بامیان والي ویاند فرزان سیغاني وايي چې د بامیان-دایکندي ترمنځ د قوناق کوتل، د شاتو کوتل، د بندشوی پُل او بکک کوتل د واورې ورښت له کبله بند شوي دي.
د غربي نورستان چې درې ولسوالي دواب، منډول او نورګرام په کې شاملېږي، یوشمېر اوسېدونکي سلاموطندار ته وايي، مرکزي نورستان په ځانګړې توګه مرکز پارون ته د تګراتګ پرمهال ستونزو سره مخ دي.
د افغاني سرې میاشتې ټولنې مسوولان وايي، د تېرو شپږو میاشتو پرمهال کابل، ننګرهار، بلخ، هرات او کندوز ولایتونو کې ۵زره او ۳۹۹ رواني ناروغانو ته د درملنې خدمات وړاندې کړي دي.
مسوولانو دغه څرګندونې چهارشنبه، کب لومړۍ نېټه، دغې ادارې د لاسته راوړنو او فعالیتونو په تړاو یوې خبري غونډه کې کړي دي.
نړیوال بانک دې وروستیو کې یوه تازه راپور کې ویلي چې د افغانستان اقتصادي وده لاهم کمزورې ده او پراخې بېوزلي او وزګارتیا میلیونونه کسان زیانمن کړي دي.
د دغه بانک په راپور کې ناڅرګندې پالیسۍ، مالي انزوا، د بهرنیو مرستو کمېدو او له پاکستان سره ترینګلو سوداګریزو اړیکو د افغانستان د اقتصادي ودې د بېثباتۍ اصلي لاملونه بلل شوي دي.
د جوزجان محلي مسوولان وايي چې په مرکز شبرغان ښار کې به دوه سوه زره مېوهلرونکي او غیرمېوهلرونکي نیالګي کېنوي.
د شبرغان ښاروال حبیبالله قانع د نیالګیو کېنولو د کمپاین پرانېستې پرمهال وویل چې د ښار بېلابېلو سیمو کې به د زرغونتیا په موخه دغه نیالګي کېنول شي.
د لوګر د صنعت او سوداګرۍ ریاست مسوولان وایي چې د دغه ولایت په مرکز پلعلم کې د یوه کس په شخصي لګښت د مرمرینو ډبرو پروسیس او تولید کارخونې په فعالیت پيل وکړ. ګلزار زیاته کړه، دغه کارخونه کې پرمختللي ماشینونه لګول شوي او هره میاشت به ۳۰ ټُنه مرمرینې ډبرې په اساسي او مسلکي توګه پروسیس او تولید کړي.
د کندهار د کرنې، اوبولګولو او مالدارۍ ریاست مسوولان وايي چې دغه ولایت کې د تېرو شپږو میاشتو پرمهال د بېلابېلو ناروغیو پروړاندې ۲۶۲زره څاروي واکسین شوي دي.
دغه څاروي د کرنې، اوبولګولو او مالدارۍ ریاست، د خوراک او کرنې نړیوال سازمان او اروپايي ټولنې په مالي ملاتړ واکسین شوي.
د هېواد په بېلابېلو ولايتونو کې يوشمېر کروندګر چې پخوا يې په خپلو کروندو کې کوکنار کرلي وو وايي، د کوکنارو د بدیل کښت په برخه کې د دولت او مرستندويه بنسټونو لهخوا ورسره مرسته نهده شوې. دغه بزګران د کرنې، اوبولګولو او مالدارۍ له وزارت غواړي چې د بدیل کښت او اصلاح شویو تخمونو په وېش کې ورسره مرسته وکړي.
د خوست محلي مسوولان وايي چې دغه ولایت کې په ۵۰زره امریکايي ډالرو د ځمکې خړوبولو یو کانال جوړ او ګټېاخیستنې ته سپارل شوی دی.
د خوست ولايت مقام څخه نن «دوشنبه، سلواغې ۲۹مه» په خپره شوې خبرپاڼه کې راغلي چې د کرنې، اوبولګولو او مالدارۍ ریاست تر چتر لاندې دغه کانال د مرکز اړوند په میاخېلو کلي کې ګټېاخیستنې ته سپارل شوی دی.
د افغانستان بانک نن (دوشنبه، سلواغې ۲۹) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سه شنبه، سلواغې ۳۰مه، به ۲۰ میلیونه امریکايي ډالر لیلام کړي.
دغه بانک له ټولو خصوصي بانکونو او پر شرایطو برابر د پولي خدمتونو او صرافیو شرکتونو څخه غوښتنه کړې چې دې داوطلبۍ کې ګډون وکړي.
د امربالمعروف او نهې عنالمنکر وزارت مسوولان وايي، یوشمېر هېوادونه په افغانستان کې د ښځو حقونو مسله د تبلیغاتو او سیاسي فشار په توګه کاروي.
د دغه وزارت ویاند سیفالاسلام خیبر د ۱۷هېوادونو د بهرنیو چارو ښځینه وزیرانو د ګډې اعلامیې په غبرګون کې ویلي، افغانستان کې د ښځو حقونه د اسلامي شریعت له مخې ټينګ دي.
ملګري تل د یوه کس پر شخصیت اغېز لري؛ ښه ملګري کولای شي چې یو کس د پرمختګ او د بریاوو هسکو ته ورسوي او خراب ملګری بیا د مالي او رواني زیانونه ترڅنګ به یوه ځوان ته له ټولنې لرې شخصیت رامنځته کړي.
د خوست محلي مسوولان وايي چې دغه ولایت کې د ۹۰ میلیونه افغانیو په لګښت د اوو پروژو چارې پیل شوې.
د خوست مرستيال والي محبوب شاه قانت وايي، په يادو پروژو کې د ښار داخل کې د کانال ترميم، د حکومتي ادارو پياده رونه، ښار کې روښنايۍ څراغونو نصبول، د نهه پوړيز سوداګريز مارکېټ جوړېدل او ځينې نورې پروژې شاملې دي.
د هلمند په کجکي ولسوالي کې د ملګروملتونو د پروژوي دفتر په مالي ملاتړ د ۴۰ کیلومټره سړک او اته کیلومټره کانال د جوړېدو چارې پیل شوې.
دغه پروژې د هلمند د کلیو بیارغونې او پراختیا ریاست تر چتر لاندې د ۷۶ میلیونه افغانیو په لګښت د کجکي ولسوالي په ابغول، شیري او سفیدحصار سیمو کې پیل شوي دي.
د میدانوردګ محلي مسوولان وايي چې وایي چې د پېښو پر وړاندې مبارزې وزارت له لوري د دغه ولایت د پېښو پرضد مبارزې ریاست لپاره د ودانۍ د جوړېدو چارې پیل شوې.
د دوی په وینا، یاده ودانۍ په درې پوړونو کې پر دوه جریبه ځمکه د راتلوونکو شپږو میاشتو په موده کې د ۱۳ میلیونه افغانیو په ارزښت جوړېږي.
د پاکستان د بهرنیو چارو وزارت ویاند شفقت عليخان جمعه، فبرورۍ ۱۴مه، یوه غونډه کې یو ځل بیا له افغانستان څخه د دغه هېواد پر وړاندې د امنیتي ګواښونو د شتون په اړه اندېښنه وښوده.
نوموړي په دې خبري ناسته کې وویل، یوه مهمه مسله چې اسلامي امارت سره د هغه هېواد اړیکې ترینګلې کوي، افغان خاوره کې د پاکستاني طالبانو تحریک مرکزونه دي.
