د زابل محلي مسوولان وايي، روان ۱۴۰۳ کال کې دغه ولایت کې ۵۴ پراختیايي پروژې د سرپرست حکومت له کورنۍ بودیجې او ۵۹ نورې پروژې د بېلابېلو موسسو له لوري پلې شوي چې شاوخوا څلور میلیارد افغانۍ لګښت پرې راغلی دی.
د سلاموطندار د هېواد په لسو ولایتونو کې له ۲۶ مېرمنو سره مرکې کړي چې د یادو مرکو پرمهال ۲۳ مېرمنو ویلي، له خپلو لومړنیو شرعي حقونو محرومې دي. د تخار اوسېدونکې ۳۰کلنه مریم وايي چې د دې د خوشې خلاف او د کورنۍ په غوښتنه یې، جبري واده کړی او د خاوند د ټاکلو حق ترې اخیستل شوی دی.
کندهار کې چارواکي وايي چې د یاد ولایت په خاکرېز ولسوالي کې د ۱۸ میلیونه افغانیو په لګښت د اوبو مدیریت لپاره دوه چکډېمونه جوړېږي.
د افغانستان په ۱۶ ولایتونو کې د پولیو ضد واکسین کمپاین د دویم پړاو پیلېدو سره هم مهاله، سعودي عربستان ویلي، په افغانستان او پاکستان کې به پولیو سره د مبارزې لپاره ۵۰۰ میلیونه ډالر مرسته وکړي. دا پیسې به د پولیو لهمنځه وړو د نړیوال نوښت له لارې افغانستان او پاکستان ته ځانګړې شي.
د سټنډرډ ملي ادارې رییس فیضالله تمیم نن سهشنبه، کب اوومه کابل کې د یاد هوکړه لیک د لاسلیکولو پرمهال وویل چې ودانیو معیارونو ته نه پام د انرژۍ د لګښت او ضایعاتو کچه لوړوي او ورسره چاپېریال ته زیان رسېږي.
کابل کې د جاپان سفیر او د کډوالو په چارو کې د ملګرو ملتونو د عالي کمېشنرۍ مشر، افغانستان ته د راستنېدونکو او داخلي بېځایه شویو د ملاتړ په موخه د شپږ میلیونو ډالرو په ارزښت یو نوی تړون لاسلیک کړی. کابل کې د جاپان سفیر ټینګار کوي چې دغه پروژه له زیانمنونکو په ځانګړې توګه د ښځو او نجونو پر ملاتړ تمرکز کوي.
د ریاستالوزرا د اقتصادي معاونیت څخه په خپره شوې خبرپاڼه کې ویل شوي چې ملاعبدالغني برادر د نن یکشنبه، کب پنځمه، په اوزبیکستا کې مېشت یوشمیر افغان پانګوالو او سوداګرو سره لیدلي دي.
په دې لیدنه کې برادر له افغان سوداګرو غوښتنه کړې چې په افغانستان کې په انرژۍ، کانونو، کرنې، ټرانسپورټ، زیربناوو، مخابراتو، ټیکنالوژۍ او روغتیا برخو کې پانګونه وکړي.
د کرنې، اوبولګونې او مالدارۍ وزارت مسوولانو د ۱۴۰۴ لمریزکال په نږدېکېدو سره، د کابل بادامباغ کې د «نن نیالګی د راتلونکې هوساینې» تر نوم لاندې د نیالګیو کېنولو ملي کمپاین پیل کړ.
مسوولان وايي، د دغه کمپاین پرمهال به د هېواد په کچه ۱۶ میلیونه نیالګي کېنول شي.
د تورخم روازې په بندیدو سره یوشمېر مسافر، ناروغان او د لویو موټرو، چلوونکي وايي، د درازوې تړلکېدو ګڼو ستونزو سره مخ کړي دي.
دوی سلاموطندار ته وویل، په ډېرو ستونزو یې ویزې ترلاسه کړي او له لرې لرې ځایونو راغلي؛ خو په داسې بېخبره ډول د دروازې تړلو له کبله اوس اړ دي چې د لارې تر خلاصېدو، همدلته شپې وکړي.
بادغیس کې د روغتیايي چارواکي وايي چې دغه ولایت کې د پولیو یا ګوزڼ مثبته پېښه ثبت شوې ده.
د یاد ولایت د عامې روغتیا ریاست د کتلوي معافیت عمومي مدیر محمدیوسف نجمي سلاموطندار ته وویل، د بالامرغاب ولسوالي د «قروتو» سیمه کې یوه ۵ کلنه نجلۍ ګوزڼ وهلې ده.
دی وايي، دا په روان ۲۰۲۵ میلادي کال، افغانستان کې د پولیو لومړۍ مثبته پېښه ده چې ثبتېږي.
د لوګر پوهنې ریاست مسوولان وایي چې د ماشومانو لپاره د ملګرو ملتونو ملاتړې ادارې (UNICEF) له لوري د دغه ولایت په مرکز پلعلم او ولسوالیو کې د شته ۱۱۶ ښوونځيو شوراګانو غړیو ته روزنه ورکړل کېږي.
د ننګرهار امنیتي مسوولان وایي چې پاکستاني لوري بېګاه شپه یوولس بجې تورخم دروازه د هر ډول تګراتګ پرمخ تړلې ده.
د ننګرهار د امنیې قومنداني ویاند سیدطیب حماد سلاموطندار ته وویل چې پاکستان د اسلامي امارت له لوري د فرضي کرښې دې غاړې ته د تاسیساتو جوړولو په غبرګون کې دغه لار بنده کړې ده.
د افغانستان د بانک مسوولان وايي چې سبا «یکشنبه، کب پنځمه» به «۲۰» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (شنبه، کب څلورمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا یکشنبه «۲۰» میلیونه امریکايي ډالر لیلام کړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
د غور په ولايتي روغتون کې د شري پر ناروغۍ اخته ماشومانو ته د ځانګړې پاملرنې څانګه کې پر دې ناروغۍ د اخته ماشومانو شمېر د پام وړ زیات شوی دی.
په دغه روغتون کې د بستر یوشمېر ناروغ ماشومانو کورنۍ وايي، ماشومان یې لومړی پر سینه بغل او بیا پر شري ناروغۍ اخته شوي دي.
د لوړو زدهکړو وزارت په مالي لګښت د کندهار پوهنتون تدریسي روغتون ته د ۱۸.۵ ميلیونه افغانیو په ارزښت طبي وسایل ورکړل شوي دي.
هلمند چې له مهمو کرنیزو ولایتونو ګڼل کېږي، د صنعت برخه کې تر ډېره د دانهداره پنبې د پروسس کارخونو درلودونکی دی.
د دغو او ځینو نورو کارخونو مسوولان وايي، برښنا او نړیوال بازار ته لاسرسی نهلري چې له امله یې د دوی د تولید، پروسس او صادراتو بهیر زیانمن کړی.
