سلاموطندار په دغه راپور کې له ۳۰ ځوانانو سره مرکې کړي چې د یادو مرکو پرمهال ۲۸ ځوانانو د دوی د ملاتړ او طرفیت لوړونې لپاره د پروګرامونو له کمښت شکایت لري.
د یادو ۳۰ ځوانانو له ډلې یې، ۱۵ نارینه او ۱۵ ښځینه دي چې وايي، د ځوانانو ملاتړو بنسټونو خپل فعالیتونه درولي او یا هم د پام وړ کم کړي دي.
د لوګر پلعلم ښاروالي مسوولان وايي چې په پلعلم ښار کې دوه پراختیایي پروژې د ښاروالي له داخلي بودیجې څخه د شاوخوا دوه نیم میلیونه افغانیو په ارزښت د درېوو میاشتو په موده کې بشپړې او ګټېاخیستنې ته وسپارل شوې.
د کابل یوشمېر اوسېدونکي د روانې روژې میاشت پرمهال په بازارونو کې د خوراکي توکو د بیو لوړوالي څخه شکایت کوي او وايي، دوکاندارانو د روژې میاشتې په پلمه د خوراکي توکو بیې په خپل سر لوړې کړي دي. د دوی په وینا، لیمو یو کیلو له ۷۰ افغانیو څخه ۹۰ افغانیو ته لوړ شوی دی.
میدانوردګ کې د افغاني سرې میاشتې ټولنې ریاست وایي چې روان کال یې د دغه ولایت مرکز میدانښار په ګډون د ۹ ولسوالیو ۸۳زره ناروغانو ته بېلابېل روغتیايي خدمات وړاندې کړي دي. نوموړي زیاته کړه، د روغتیايي خدماتو د ښه والي لپاره یې ۴۰ نوي رضاکاران روزلي او ۱۲۰ نارینه او ښځینه رضاکارانو ته یې روغتیايي کېټونه وېشلي دي.
د لوګر امنیه قومنداني چارواکي وايي چې د دغه ولایت کشفي او امنیتي ځواکونو په مرکز پلعلم کې دوه کسان د نشهیي توکو د قاچاق او پلور په تور نیولي دي.
د پکتيا د مخابراتو او معلوماتي ټيکنالوژي رياست مسولان وايي، په بېلابيلو ولسواليو کې اوسېدونکو ته د مخابراتي خدمتونو برابرېدو په موخه ۱۲ نوي مخابراتي سايټونه جوړوي.
د پکتيا مخابراتو او معلوماتي ټيکنالوژي رییس مولوي نصيرالله هجرت رسنيو ته وويل چې د نوي سايټونو د جوړېدو لپاره يې سروې کړې او د هوا په ګرمېدو سره به يې، د جوړېدو چارې پيل شي.
د افغانستان د سوداګرۍ او پانګونې خونې مسوولان وايي چې له تېرو نهو ورځو راهیسې د تورخم دروازې په تړلکېدو سره د افغانستان او پاکستان د خصوصي برخې سوداګرو ته ۱۰ میلیونه ډالره زیان رسېدلی دی.
د لوګر کرنې، اوبولګولو او مالدارۍ ریاست مسوولان وایي چې د دغه ولایت مرکز پلعلم او ولسوالیو بزګرانو د قوشتېپې کانال د زرغونتیا لپاره ۱۷۰زره نیالګي مرسته کړې ده. نوموړي زیاته کړه، راټول شوې نیالګي د فوشتېپې کانال د زرغونتیا لپاره د ملي پراختیا ادارې مسوولانو ته سپارلي دی.
خبریال: وحیدالله وحدت یوشمېر افغان پانګهوال شکایت کوي چې پاکستان د سپین بولدک-چمن دروازه کې د دوی پر وړاندې محدودیتونه زیات کړي، څو پانګهوال اړ
انسان په هیله ژوندی دی؛ خو بېلابېل لاملونه له هغې ډلې، ټولنیزه اساینه، د پرمختګ لپاره د زمینې برابرېدل، ښه دنده او اقتصاد لرل او ټولنه کې د امنیت ټينګښت، د یوه کس راتلونکې ته د هیلهمندۍ پر کچې اغېز لري.
هیلهمندي لرل د ذهن د مثبت حالت او هڅونکي په توګه، کولای شي، په ژوند کې د ستونزو سره په مبارزه کې مرسته وکړي او له همدې امله په دې څېړنه کې موږ راتلونکې ته د ځوانانو د هیلهمندۍ کچه ارزولې ده.
د لوګر د پلعلم ښاروالۍ له لوري د دغه ولایت په کچه د (ښاري خبرواترو پروګرام) جوړ شوی چې پهکې د ولایت په کچه د سکتوري ریاستونو ریيسانو، علماو، قومي مشرانو، ځوانانو او عامو ښاریانو ګډون کړی وو.
لغمان کې د یواېناېجسيار په مالي لګښت د مرکز په بدېعالاباد سیمه کې بېرته راستنېدونکو ته په ۳۴۲زره ډالرو یوه ښوونځي ته د ودانۍ د جوړېدو چارې پیل شوې.
د تورخم دروازه په شپږمه ورځ هم د هر ډول تګراتګ پرمخ تړلې ده. یوشمېر افغان سوداګر او ناروغلرونکي وايي، له تېرې یوې اوونۍ راهیسې د تورخم دروازې د خلاصېدو په تمه دي. ناروغ لرونکي نعمان وویل چې له شپږو ورځو راهیسې د یادې دروازې بېرته پرانېستلو په تمه دي.
د ایران بهرنیو چارو وزیر عباس عراقچي تېره ورځ په تهران کې له خپل روسي سیال سرګي لاوروف سره په ګډه خبري غونډه کې وویل چې د افغانستان وضعیت د دواړو هېوادونو لپاره ځانګړي اهمیت لري او تهران او مسکو به د افغانستان اړوند مسلو په اړه خپلو مشورو او بحثونو ته دوام ورکړي.
د هلمند د کرنې، اوبولګونې او مالدارۍ ریاست مسوولان وايي، دغه ولایت کې د چرګانو فارمونو تولید د پام وړ زیات شوی دی.
دوی وویل، هلمند کې ۱۲۰۰ ثبت شوي فارمونه فعالیت لري چې د ورځې شاوخوا ۳۰ ټُنه غوښن چرګان یا غوښه تولیدوي.
د پوهنې وزارت مسوولانو نن چهارشنبه، کب اتمه د سواد زدهکړې پرمختیا او ترویج په موخه ۲۴ وزارتونو او دولتي ادارو سره د همکارۍ هوکړهلیکونه لاسلیک کړل.
