د صنعت او سوداګرۍ وزارت یوه خبرپاڼه کې ویلي، د دغه وزارت سرپرست نورالدین عزیزي د متشبثینو سکتور ملاتړ او پیاوړتیا لپاره ۱۲ موسسو سره د څه باندې یو میلیون او ۵سوه زره ډالرو په ارزښت د همکارۍ هوکړهلیکونه لاسلیک کړي دي.
خبرپاڼه کې ټینګار شوی چې د صنعت او سوداګرۍ وزارت تل د متشبثینو د هڅونې او ملاتړ لپاره هڅې کړي دي.
د افغانستان د سوداګرۍ او پانګونې خونې مسوولان وايي، دغه پرېکړه د دغې خونې په وړاندیز شوې او د اقتصادي کمیسیون له لوري تصویب شوې ده.
د دغې خونې مشر یونس مومند وویل، د دغې پرېکړې لهمخې، تر دې وروسته د غنمو، اوړو او غوړیو په څېر د لومړنیو خوراکي توکو هر یو میلیون عاید کې له سوداګرو زر افغانۍ مالیه او همدارنګه د بورې، مایع ګازو او تېلو هر یو میلیون عاید کې له سوداګرو ۱۵سوه افغانۍ مالیه اخیستل کیږي.
د خوست د کليوبيارغونې او پراختيا رياست مسوولان وايي چې د یاد ولایت په عليشرو ولسوالي کې د ۲۲۵زره امريکايي ډالرو په لګښت د دوو رغنيزو پروژو چارې پيل شوې.
ځايي مسوولان وايي، دغه ۶۸ پرمختیايي پروژې د کلیو بیارغونې او پراختیا وزارت له لوري د کاپیسا په تګاب ولسوالۍ کې تطبیق کیږي. د کلیو
د صنعت او سوداګرۍ وزارت یوه خبرپاڼه کې ويلي چې د دغه وزارت سرپرست نورالدین عزیزي کابل کې د چین سفیر ژاو شينګ سره ليدلي.
دغه لیدنه کې دواړو لوریو چین ته د افغانستان د صادراتو په ځانګړې توګه د جلغوزيو، انارو او د لاجورد، نفریټ او تالک ډبرو په څېر د معدني او قیمتي ډبرو په صادراتو بحث او خبرې کړي دي.
د کندهار محلي چارواکي وايي چې په یاد ولایت کې د ۴۵۱ میلیونه افغانیو په لګښت د ځمکني ترانسپورټ د دوو پروژو چارې پیل شوې.
د یادو پروژو پرانېستغونډې ته د ترانسپورټ او هوايي چلند وزارت سرپرست وویل چې د اسلامي امارت د بياځلې واکمېدو راهیسي د هېواد ترانسپورتي نظام د معياري بدلون په حال کې دی.
د لوګر کرنې او مالدارۍ ریاست مسوولان وایي چې د دغه ولایت په مرکز پلعلم او پنځه ولسوالیو کې د چینارو نمایشي قطعې جوړېږي.
د دغه ولایت کرنې او مالدارۍ ریاست رییس مولوي شیراقا «پیر حبیبالله» پلعلم کې جوړې شوې یوې غونډې ته وویل، د کرنې او مالدارۍ وزارت له لوري د چینارو ۲۵ لوې نمایشي قطعې جوړېږي.
د لغمان مرستیال والي اخترمحمد مزمل وايي چې ۱۴۰۳کال په بېلابېلو برخو کې لغمان کې ۸۸ پروژې پلان شوی وې چې ۵۲ پروژې بشپړې او د ۳۶ نورو کارونه روان دي.
نوموړي دغه څرګندونې نن سهشنبه، وري پنځمه لغمان کې د تېرکال پرمهال د لاستهراوړنو او پلانونو په اړه جوړه شوې غونډه کې د وینا پرمهال کړې دي.
سویل ختیځو ولایتونو کې د جلغوزيو يوشمېر سوداګر سلاموطندار سره خبرو کې وايي، له چين سره د جلغوزيو صادراتو لپاره انحصاري تړون له زيان سره مخ کړي.
دوی وویل، تېر ۱۴۰۳ کال خوست، پکتیا او پکتیکا ولايتونو کې د جلغوزیو حاصلات ۳۵۰۰ ټنو ته رسېدلي، خو چینايي سوداګرو تر اوسه ۲زره ټنه لېږدولي او شاوخوا ۱۵۰۰ ټنه یې پاتې دي.
د لوګر والي مولوي ضیاالرحمن مدني پلعلم کې د شهیدانو له سل بېوزله کورنیو سره د نغدي او غیرنغدي مرستو د وېش پرمهال وویل، اړتیا ده چې دولتي او نړیوال بنسټونه د دغه ولایت د شهیدانو له کورنیو سره خپلو مرستو ته دوام ورکړي.
د عامې روغتیا وزارت مسوولانو نن دوشنبه، وري څلورمه، کابل کې له تبرکلوز ناروغۍ سره د مبارزې نړیوالې ورځې په مناسبت یوې غونډې ته وویل، هېواد کې د کال شاوخوا ۷۵زره کسان پر تبرکلوز ناروغۍ اخته کېږي چې له ډلې یې ۱۰زره ناروغان ژوند له لاسه ورکوي.
افغانستان کې د مېرمنو وژنې او ځانوژنې پېښو ارزونې په اړه د سلاموطندار ارزونې ښيي چې د ۱۴۰۳کال پرمهال رسنیو په هېواد کې د وژنې او ځانوژنې د ۹۲ پېښو راپور ورکړی دی.
دغه شمېرې ښيي چې په منځنۍ کچه رسنیو کې هره میاشت د مېرمنو د وژنې او ځانوژنې پېښې ثبت شوي دي.
د افغانستان بانک مسوولان وايي چې سبا «سهشنبه، وري پنځمه» به «۱۵» میلیون امریکايي ډالر د لیلام په توګه بازار ته وړاندې کړي. د افغانستان
د کليو بیارغونې او پراختيا وزارت سرپرست مولوي محمد يونس اخندزاده د يادو پروژو د پيل مراسمو ته وويل، تېره ورځ يې د پکتيا زرمت ولسوالي کې د «يونپس» مؤسسې په همکارۍ د ۱۶۹ پروژو چارې پيل کړي چې شاوخوا ۲۳۶ ميليون افغانی لګښت پرې راځي.
د ریاستالوزرا اقتصادي مرستیال ملا عبدالغني برادر نن (یکشنبه، د وري ۳) د کابل پغمان ولسوالۍ کې د ارغندې ترانسپورتي ترمینل د چارو د پيل پرانیسته وکړه.
د کابل د ارغندې ترانسپورټي ترمینل په شاوخوا ۹۰۰ جریبه ځمکه کې د یو میلیارد او ۲۸۵ میلیون افغانیو په لګښت جوړېږي چې چارې به یې د خصوصي سکټور له لوري په دوو کلونو کې بشپړې شي.
د اسلامي امارت د صنعت او سوداګرۍ وزارت ویلي، ۱۴۰۲ لمریز کال ته په پام تېر ۱۴۰۳ کال کې د افغانستان د سوداګرۍ کچه کې مثبت بدلون راغلی دی.
دغه وزارت نن (یکشنبه، ۳ وري) یوه خبرپاڼه کې ویلي چې افغانستان ۱۴۰۳ کال کې د یو میلیارد او ۷۸۵ میلیون ډالرو په ارزښت صادرات او د ۱۱ میلیارد او ۱۶۴ میلیون ډالرو په ارزښت واردات کړي دي.
