د خوست د کار او ټولنیزو چارو ریاست اړوند د حرفوي زدهکړو له مرکز څخه د لمريزې برښنا په برابرولو او د موبایل ترميم برخه کې ۸۸ کسان له حرفوي زدهکړو فارغ شول.
د خوست ولايت مقام څخه په خپره شوې خبرپاڼه کې ویل شوي چې ياد شمېر ځوانانو ته شپږ میاشتنی حرفوي زدهکړو له بشپړولو وروسته د فراغت سندونه ترلاسه کړي دي.
په هلمند کې د یوه پانګوال په شخصي لګښت د یوولس میلیونه افغانیو په ارزښت، د طبي زبالو د خوندي سوځولو لپاره پرمختللی «انسناتور ماشین» فعال شوی دی.
دغه ماشین پرون دوشنبه، چنګاښ نهمه، د یاد ولایت د چاپېریال ساتنې ریاست له لوري د یوې ځانګړې غونډې پرمهال ګټېاخیستنې ته سپارل شوی دی.
له طبیعي پېښو سره د مبارزې او چمتووالي ملي ادارې مسوولان وايي، د هېواد په لسو ولایتونو کې د وروستیو بارانونو او راوتلیو سېلابونو له امله پنځه کسان مړه شوي او اته نور ټپیان دي.
د یادې پروژې پرانیستې مراسمو ته د اوبو او انرژۍ وزارت سرپرست مولوي عبدالطیف منصور، د هلمند والي مولوي عبدالرحمن مسلم کندوزي، د علماوو شورا رییس مولوي محمداسماعیل او ګڼشمېر نورو چارواکو او قومي مشرانو ګډون کړی وو.
د کډوالۍ نړیوال سازمان «IOM» وايي چې روانه میلادي میاشت «جون» کې له ایران څه باندې ۲۳۰زره افغانان بېرته هېواد ته راستانه شوي دي.
دغه شمېر افغانان داسې مهال بېرته هېواد ته راغلي چې ایران له دغه هېواده د ناقانونه افغان کډوالو د اېستلو لړۍ چټکه او پراخه کړې ده.
د لوګر کرنې او مالدارۍ ریاست مسوولان وایي چې د تېرې ورځې سخت اورښت وروسته په ازرې ولسوالي کې سېلابونه راوتلي او د یادو سېلابونو له امله خلکو ته درانه مالي زیانونه اوښتي دي.
د لوګر محلي چارواکي وايي چې د دغه ولایت په مرکز پلعلم او محمداغې ولسوالي له ۱۲۵ سېلابځپلیو کورنیو سره بېړنې مرستې شوې دي.
د دغه ولایت د والي ویاند صدیق احمدصدیقي سلاموطندار ته وویل، دغه مرسته د طبیعي پېښو پرضد مبارزې او کلیو پراختیا ریاستونو له لوري له سېلابځپلیو کورنیو سره شوې ده.
د پنجشېر ځايي مسوولان وايي، د دغه ولایت او تخار ترمنځ د ۲۸ کیلومتره سړک جوړولو لپاره ۲۷۰ میلیون افغانۍ بودیجه منظور شوه.
د پنجشېر ـ تخار نښلېدونکی سړک په ۲۸ کیلومتره اوږدوالي او ۵ متر سور سره جوړیږي او د کابل او شمال ختیځو ولایتونو ترمنځ د تګ راتګ زیاتېدو او د لېږد را لېږد په برخه کې به ګڼې اسانتیاووې رامنځ ته کړي.
د میدانوردګ ځايي مسوولان وایي، په چک ولسوالي کې د ۳۹ میلیون افغانیو په لګښت د اوبو رسولو څلورو شبکو د جوړېدو چارې پيل شوې.
په دغو پروژو کې د چک ولسوالي «خواجهانګور، ګلابخېلو، غونډۍ او کرکټ» کليو کې د اوبو رسولو د څلورو شبکو جوړول، یو شمېر کلیو کې د ۶۵ څاګانو ترمیم او په ۷ ښوونځیو کې د اوبو برابرول شامل دي.
د هېواد په کلیو کې ښځو تل د محلي اقتصاد په وده کې مهم رول لوبولی. نن سبا هغوی نه یوازې کروندو کې د نارینهوو
د روان کال تېره جوزا میاشت کې د هېواد د اوسپنې پټلۍ له لارې ۳۱۲ زره او ۳۹۷ مټریک ټنه انتقالات شوي. د ټولګټو چارو
له ایران څخه یوشمېر راستنېدونکي وايي چې د ژوند لومړنیو خدمتونو ته لاسرسی نهلري او د کړاو شپې او ورځې تېروي.
د هرات اوسېدونکې پریسا چې دوه اوونۍ وړاندې په زور له ایران څخه افغانستان ته راستانه کړل شوې، وايي، د سرپناه نشتوالي او کمزوري اقتصاد له امله د یوه خپلوان کور کې ژوند کوي.
سلاموطندار په دې اړه یاد راپور کې له ۳۸ ځوانانو سره مرکې کړې چې له ډلې یې، ۲۷ د کارموندلو لپاره، څلور یې اروپا ته د رسېدو، پنځه د ناامنیو او دوه هم د زدهکړو دوام لپاره ایران ته تللي دي.
ایران ته تللي افغان ځوانان د بېلابېلو ستونزو سربېره، د یاد هېواد او اسراییلو ترمنځ د جګړې له امله اوس هېواد ته له جبري راستنېدو سره مخ دي.
د پکتيا ولايتي مسوولان وايي چې یاد ولایت کې د شویو اورښتونو له کبله خلکو ته ګڼ مالي زیانونه اړولي دي.
د دوی په وینا، د تېرې ورځې او بېګاه شپې اورښتونو له امله سېلابونو د پکتيا جانيخېل او څمکنيو ولسواليو کې خلکو شاوخوا ۶۰۰ جريبه کرنيزې ځمکې او فصلونه لهمنځه وړي دي.
د ریاستالوزرا اقتصادي معاونیت ویلي، افغانستان په ۱۳۰ برخو کې بشپړې او ۱۰۰ برخو کې نیمهبشپړې ځان بسیاینې ته رسېدلی.
د ریاستالوزرا اقتصادي معاونیت نن (شنبه، سرطان ۷مه) یوه خبرپاڼه کې ویلي، دامهال ټول هېواد ۶۰۰۰ صنعتي فابریکې په رسمي ډول فعالیت کوي چې ۱۳۵ زره کسانو ته په کې په مستقیم ډول د کار زمینه برابره شوې.
له نشهيي توکو سره د مبارزې نړیوالې ورځې سره هممهاله د عامې روغتیا وزارت مسوولانو کابل کې یوې غونډې ته وویل، تېرو شاوخوا درې نیمو کلونو پرمهال هېواد کې پر نشهيي توکو د ۸۰زره روږدو درملنه شوې ده. د ملګرو ملتونو سازمان د جون ۲۶مه له مخدره توکو سره د مبارزې نړیوالې ورځې په توګه نومولې ده.
