د هرات محلي مسوولان وايي چې د تېرې یوې شپې او ورځې پرمهال څه باندې ۳۱زره افغانان له ایران څخه بېرته هرات ولایت ته راغلي دي.
د کډوالو په چارو کې د اطلاعاتو او عامه پوهاوي کمېسیون مسوولان همداراز زیاتوي چې د هرات اسلامکلا بندر له لارې تېرو ۲۴ ساعتونو کې له ایران څخه ۳۱زره او ۳۰۳ افغانان بېرته راستانه شوي دي.
د ننګرهار د همېشهبهار سب سټېشن کې د ۶۵ میلیون افغانیو په لګښت د ۳۰ مېګاواټه په ظرفیت د کپسیټر بانک نصبولو چارې پیل شوې.
د لوګر د کرنې، اوبولګولو او مالدارۍ ریاست مسوولان وایي چې د ملګروملتونو د پراختیایي پروګرام(UNDP) له لوري د دغه ولایت په مرکز پلعلم او څلور ولسوالیو کې ۶۵ شنېخونې جوړېږي.
دغه مېرمنې چې تر ډېره یې، د امریکا پراختیايي پروګرام، د خوړو نړیوال پروګرام او د خوړو او کرنې سازمانونو له لوري ملاتړ کېده، وايي، د یادو سازمانونو لهخوا ترلاسه کېدونکې خوراکي او نورو مرستو سره یې، د ژوند اساسي اړتیاوې برابرېدې. د ۴۰ مېرمنو له ډلې یې، ۱۷ لاهم د خوړو نړیوال پروګرام او د خوړو او کرنې ادارې له لوري مرستې ترلاسه کوي.
د ریاستالوزراء اقتصادي مرستیال ملا عبدالغني برادر د اقتصادي همکاریو سازمان (ایکو) په ۱۷مه سرمشریزه کې د ګډون په موخه اذربایجان ته د سفر په ترڅ کې نن د دغه هېواد لومړي وزیر علي اسدوف سره وکتل.
د دغه لیدنه کې دواړو لورو د افغانستان او اذربایجان ترمنځ د سیاسي، اقتصادي، سوداګریزو او ترانزیټي اړیکو د پراختیا په اړه خبرې وکړې.
هغه درد او کړاو چې پر اوږو یې لکه د غره په څېر بار دی، په سترګو کې یې، له ورایه ښکاري. هغه پر لاره تېرېدونکو کسانو ته ځیر دی، ګوندې څوک ورته ودرېږي او د ده مخته قفس کې اېښي، مرغۍ ترې واخلي. د پروان د چاپېریال ساتنې ادارې په وار وار د هغه او نورو له قفسونو الوتونکي راټول او خوشې کړي دي.
د میدانوردګ د طبیعي پېښو پرضد مبارزې ریاست مسوولان وایي چې د دغه ولایت په نرخ، سیداباد، چک، او دایمیرداد ولسوالیو کې سېلابونو خلکو ته درانه مالي او ځاني زیانونه اوښتي دي.
یوشمېر کارکوونکې مېرمنې وايي چې د کاري تړون اړوند حقوقو په تړاو کافي پوهاوی نهلري او دا چاره، کاري چاپېریال کې د دوی پر وړاندې د تبعیض، نابرابري او زیان لامل شوې ده. په ورته مهال یوشمېر مېرمنې له کاري قرارداد څخه د پوهاوي سربېره، کار ځای کې د تبعیض او جنسیتي نابرابري تجربه کړي دي
د پېښو پر وړاندې مبارزې او چمتوالي ملي ادارې رییس ملا نورالدین ترابي لوګر ته د یوه سفر په ترڅ کې خبریالانو ته ویلي چې د یاد ولایت سېلابځپلو ستونزو ته به رسېدنه وشي.
چارواکي وايي، د ارزګان چنارتو ولسوالي کې د «شبلوغ» اوبو بند رغنیزې چارې پیل شوې چې ورسره به د کروندګرو زرګونه جریبه ځمکه خړوبه، اوبه مدیریت او تر یوې اندازې د وچکالي د منفي اغېزو مخه ونیول شي.
د ملي پراختیا شرکت ویاند نبيالله وویل، یاد بند چې په ۱۶۵ میلیون افغانیو جوړیږي، د څه باندې ۸۵۴ زره متر مکعب اوبو ذخیره کولو ظرفیت لري.
د افغاني سرې میاشتې ټولنې عمومي ریاست رییس مولوي شهابالدین دلاور لوګر ته د خپل یوه سفر په ترڅ کې د محمداغې او ازرې ولسوالیو په شاوخوا ۲۰۰ سېلابځپلیو کورنیو بېړنې مرستې ووېشلې. مدني وویل، د لوګر کلیو پراختیا او طبیعي پېښو پرضد مبارزې ریاستونو له امله تېره ورځ له ۱۲۵ سېلابځپلیو کورنیو سره د خوراکي او غیرخوراکي توکو مرسته وشوه.
د لوګر مخابراتو او معلوماتي ټکنالوژۍ ریاست مسوولان وایي چې په لومړي ځل د محمداغې او ازرې ولسوالیو بېلابېلو سیمو زرګونه اوسېدونکي د سلام او اټوما مخابراتي شبکو له لارې د انټرنټ ۴جي خدماتو ته لاسرسی پيدا کړ.
په داسې ټولنه کې چې د ښځو ونډه تر ډېره لاسي صنایعو او خیاطي پورې محدود ده، د کلي یوه ځوانه نجلۍ د ټکنالوژۍ برخه کې د ښځو وړتیا ښودلو لپاره لستوڼي بډوهلي دي.
هغې د نورو په پرتله یوه بله لاره غوره کړې او د کارموندلو پر ځای نورو ته د کار برابرولو په لټه کې ده.
د ټرانسپورټ او هوانوردۍ وزارت اړوند د هواپېژندنې ریاست د هېواد په اتو ولایتونو کې د سختو اورښتونو، تندو بادونو او سېلابونو راوتلو خبرداری ورکړی دی.
د هوا پېژندنې ریاست په یوې خبرپاڼه کې ویلي چې یادو ولایتونو کې د اورښتونو دغه اټکل نن سهشنبه، چنګاښ لسمه، شوی دی.
د ملګروملتونو د بشري چارو د همغږۍ دفتر (OCHA) له لوري په خپور شوي راپور کې خبرداری ورکړل شوی چې افغانستان کې د تېرو پنځلس کلونو پرمهال د ماینپاکونکو شمېر ۹۰سلنه ک شوی او په وینا یې، که بېړنۍ بودیجه برابره نهشي، د تر ټولو پر ماین پوښلي هېواد کې به د ماینپاکونکو هڅې ناکامې شي.
د پروان د کلیو بیارغونې او پراختیا ریاست مسوولان وايي چې دغه ولایت کې د نړیوال بانک په مالي ملاتړ د دوو کیلومټره سړک د جوړېدو چارې پیل شوې.
دغه سړک د «۲۳۴۰۰۰۰» افغانیو په لګښت د یاد ولایت سالنګ ولسوالي کې رغول کېږي.
