ملا برادر: سالنګ لاره دې له ژمي مخکې ورغول شي
د ریاستالوزرا اقتصادي مرستیال ملا عبدالغني برادر د سالنګونو لویېلارې له کاري بهیر څخه لیدنه کړې. د ریاستالوزرا اقتصادي معاونیت نن (یکشنبه، سنبله ۹) پر
د ریاستالوزرا اقتصادي مرستیال ملا عبدالغني برادر د سالنګونو لویېلارې له کاري بهیر څخه لیدنه کړې. د ریاستالوزرا اقتصادي معاونیت نن (یکشنبه، سنبله ۹) پر
سلاموطندار له ۴۵ ځوانانو سره د هېواد په ۱۳ ولایتونو کې مرکې کړې دي او د دوی بېلابېل نظرونه یې راټول کړي دي. له دې ډلې ۲۴ ځوانانو ویلي چې مصنوعي ځیرکتیا (هوش مصنوعي) د دوی د زدهکړې او ظرفیت لوړوالي لامل شوی، خو نهو نورو بیا برعکس ویلي چې د مصنوعي ځیرکتیا پهکارولو سره یې خپل ظرفیتونه کمزوري شوي دي. همدارنګه ۱۲ نورو ټینګار کړی چې ځوانان باید د مصنوعي ځیرکتیا کارول منظم مدیریت کړي.
د کندهار مسوولان وايي، سږ کال لومړی ځل د ۷۰۰ زره ډالرو په ارزښت هند ته ۱۰۰ ټنه وچ انځر صادر شول.
د کندهار د کرنې، اوبولګونې او مالدارۍ ریاست ویاند محمد حنیف حقمل سلاموطندار ته وویل، دغه صادرات د ایران له لارې ترسره شوي.
د کندهار بڼوال هم د دې صادراتو په اړه خوښ دي او وايي، دا ډول صادرات د بزګرانو اقتصادي ثبات او بڼوالۍ ترویج لپاره ګټور تمامېږي.
په مزارشریف ښار کې د «بلخ کانټینینتال» په نوم یو معیاري او عصري د واده هوټل د شاوخوا دوه میلیونه ډالرو په لګښت جوړ شوی چې نن جمعه، وږي اوومه په رسمي توګه پرانېستل شو.
د دې هوټل عمومي مسوول حفیظ طاهري وايي چې د یادې پروژې موخه د ځوانانو د اړتیاوو پوره کول او د کورنیو اقتصادي ستونزو په پام کې نیول دي.
د هلمند د اطلاعاتو او فرهنګ رییس حافظ عبدالبار راشد وايي، د «هلمند بولان ساختماني او سرک جوړونې شرکت» سره د دغه پُل د جوړولو رسمي قرارداد د هلمند والي مولوي عبدالرحمن مسلم کندوزي او د شرکت مسوولانو لهخوا د ۳،۲ میلیونه امریکایي ډالرو په ارزښت لاسلیک شوی دی.
د اسلامي امارت د مشرتابه د حکم پربنسټ، د کرنې، اوبولګولو او مالدارۍ وزارت له لوري د کندهار ښار په عینومېنه ښارګوټي کې شاوخوا دوه زره جریبه ځمکه د هدیرې لپاره د حج او اوقاف وزارت ته سپارل شوې ده.
یوشمېر دنده لرونکې مېندې سلاموطندار ته وايي چې په کار ځای کې یې، ځینې حقوق نهورکول کېږي. دوی وايي چې د کار قانون پر بنسټ باید د شیدو ورکوونکو مېندو کاري ساعتونه باید کم شي، د ماشومانو د پالنې مرکزونه فعال وي او ټرانسپورټ ولري، خو په وینا یې، کاري چاپېریال کې د دې کارونو نشتوالي، دوی له ستونزو سره مخ کړي دي.
احسان الماس د پاکستان په اسلاماباد پوهنتون کې د اقتصاد پوهنځي زدهکړیال دی چې د مصنوعي ځیرکتیا د کارونې او ګټېاخیستنې زړه راښکوونکی داستان لري.
هغه پاکستان کې د یوه ملګري په مرسته له مصنوعي ځیرکتیا سره بلدتیا پیدا کړه او د زدهکړو په دې سفر کې یې، بېساری ملګری شو.
د لوګر امنیه قومنداني مسوولان وایي چې د روانۍ اوونۍ د دوشنبې پر ورځ د محمداغې ولسوالي په «دهنو» کلي کې له ایران څخه تازه راستون شوی حفیظ الله چې د نامعلومو کسانو له لوري په ډزو وژل شوی و، قاتل یې نیول شوی دی.
د لوګر د کلیو پراختیا او بیارغونې ریاست مسوولان وایي چې د خوړو نړیوال پروګرام(WFP) له څلور میاشتني ځنډ وروسته بیاځلې د دغه ولایت له بېوزله کورنیو سره خپلې مرستې پيل کړې.
د دغه ولایت د کلیو پراختیا او بیارغونې ریاست مطبوعاتي مسؤل صبغتالله نائبخېل سلاموطندار ته وویل، خوړو نړیوال پروګرام د بودیجې کمښت له امله لوګر کې له بېوزله کورنیو سره مرستې ځنډولې وې.
د بلخ محلي مسوولان وايي چې د یاد ولایت مرکز د مزارشریف ښار کې د ۳۹ میلیونه افغانیو په لګښت د یوه سړک د اسفالت چارې پیل شوې.
د یادې پروژې کار د ښار د انکشافي بودیجې له لارې کېږي او چارې یې، د محلي چارواکو په شتون کې په رسمي توګه پیل شوې.
د سرحدونو، قومونو او قبايلو چارو سرپرست ملا نورالله نوري په کابل کې د ایران له سفیر علي رضا بیګدلي سره کتلي او پر بېلابېلو موضوعاتو یې، خبرې کړې دي.
په دې ناسته کې دواړو لوریو د افغانستان او ایران تر منځ د ښه اړیکو پر بنسټ د اقتصادي پراختیا، متقابل باور، سیمهییزو مسلو او د لاښې همغږۍ د رامنځته کولو په اړه خبرې بحث او خبرې وکړې.
د هرات د سوداګرۍ او پانګونې خونې مسوولان وايي چې د دې ولایت تازه مېوې اوس په پراخه کچه نړیوالو بازارونو ته صادریږي.
د یادې خونې اجرائیوي رییس، محمدیوسف امین سلاموطندار ته وايي چې د روان کال د لومړنیو پنځو میاشتو په جریان کې د هرات تازه مېوو صادرات ۵۴۴ ټُنه او ۷۲۲ کیلوګرامه ته رسېږي، پداسې حال کې چې په ورته موده کې د تېرکال صادرات یوازې ۷۲ ټنه وو.
عبدالشکور د جلال اباد د ښار شپږمې ناحیې د خالص فامیلیو سیمې اوسیدونکی دی. نوموړی وايي په کور کې د څښاک د اوبو ژوره څاه یې له دې امله وچه شوې چې په سیمه کې کروندګرو د کرنیزو ځمکو د اوبه کولو لپاره ژورې څاهګانې کیندلي او ټوله ورځ د لمریزې برښنا په مرسته اوبه کېږي.
د کورنیو چارو وزارت اعلان کړی چې د کابل ـ کندهار پر لویه لاره، د ارغندي څلور لارې په سیمه کې د یوه مسافر وړونکي موټر د چپهکېدو له امله لږترلږه ۲۵ کسان مړه شوي او ۲۷ نور ټپیان دي.
د کورنیو چارو وزارت ویاند عبدالمتین قانع ویلي چې دا پېښه نن چهارشنبه سهار (وږي پنځمه) د موټر چلوونکي د «بېاحتیاطۍ» له امله رامنځته شوې ده.
د لوګر والي قاري صلاحالدین ایوبي د دغه ولایت د رسنیو مسوولانو او ژورنالېستانو سره په یوه ګډه غونډه کې ویلي چې اسلامي امارت د هېواد په کچه د رسنیو هر اړخیز ملاتړ ته ژمن دی. نوموړی دغهراز د لوګر له خبریالانو وغوښتل چې د پېښو پرمهال حقیقت پټ نهکړي او د ولس ستونزو ته په بېطرفه توګه پوښښ ورکړي.