د بلخ اوسېدونکې ۶۰کلنه نجیبه حقاني چې تر څوارلسم ټولګي یې، زدهکړې کړي، د پرلهپسې هڅو سره توانېدلې چې مزارشریف ښار کې یو کوچنی رسټورانټ جوړ کړي.
اووه کاله مخکې، نجیبه حقاني خپل کاروبار د دوه زره ډالرو په پور او له یوې کوچنۍ خونې څخه پیل کړ، خو نن یې رستورانت پراخ شوی او ۱۴ کسان پهکې کار کوي چې ۱۲ یې ښځې او دوه نارینه دي.
د سرپل د کلیو بیارغونې او پراختیا ریاست د رسنیو مسؤول احمد احمدي، وايي چې د سانچارک، ګوسفندي او سوزمهقلعه ولسوالیو اړوند د اوبو رسولو د دولس شبکو د جوړولو چارې پیل شوې.
د مسوولانو په وینا، یادې شبکې د ۵۸ میلیونه افغانیو په ارزښت د «اوشياچار» او «اکشن اید» موسسو د مالي ملاتړ او د سرپل د کلیو بیارغونې او پراختیا ریاست تر څارنې لاندې جوړېږي.
هېواد کې د روان کال د تلې پر اوومه په ناڅاپي توګه د انټرنټي خدمتونو د پرېکېدو له امله میلیونونه افغانان له اقتصادي، زدهکړو او نورو ستونزو سره لاس او ګرېوان شول.
سلاموطندار په دې راپور کې د انټرنټ پرې کېدو اغېزو ارزونې په تړاو کابل کې له ۳۷ ځوانانو سره چې شل یې هلکان او ۱۷ یې نجونې دي، مرکې کړي دي.
تېره اوونۍ د روان کال د ميزان له ۴مې تر ۱۰مې د اوسپنې پټلۍ له لارې ۹۷ زره او ۵۲۲ مټریک ټنه انتقالات شوي. د
د جمعې پر شپه د هېواد یوشمېر ولایتونه د سختو بارانونو، ږلۍ او سېلابونو شاهدان وو. د کابل، کاپیسا، لغمان، ننګرهار او خوست په ګډون څو ولایتونو کې بارانونو او سېلابونو خلکو ته د پام وړ مالي زیانونه اړولي دي.
د پېښو پر وړاندې د مبارزې ادارې د مسوولانو په وینا، یوازې په کابل، کاپیسا او لغمان کې ۷۲۱ کورنۍ زیانمنې شوې دي، سلګونه جریبه کرنیزه ځمکه ویجاړه شوې او زرګونه څاروي او مرغان هم لهمنځه تللي دي.
د افغانستان بانک مسوولان وايي چې په تېرو څلورو کلونو کې یې ۱۵ میلیارده زړې افغانۍ له بازاره راټولې او سوځولې دي.
د افغانستان بانک ویاند، حسیبالله نوري نن (شنبه، تلې دولسمه) په یوه ویډیويي پیغام کې له هېوادوالو غوښتنه کړې چې د بانکنوټو په ساتنه او سم استعمال کې پام وکړي، څو تر ټاکلي وخت وړاندې لهمنځه لاړې نهشي.
په کابل کې د کرنیزو محصولاتو څلور ورځنی نندارتون چې د تېرې اوونۍ د چهارشنبې پر ورځ پیل شوی و، نن شنبه، تلې دولسمه نېټه پای ته ورسېد.
د «سنبل سلیقه مادر» د خوراکي توکو د شرکت مسؤله ناجیه سلطاني سلاموطندار ته وايي: «نندارتون ډېر اغېزمن و، ځکه خلک د کورنیو تولیداتو په اړه لږ معلومات لري. دا ښه فرصت و، ډېرو کورنیو ګډون وکړ او زموږ پلورنه ښه وه.»
د کندهار د کرنې، اوبولګولو او مالدارۍ ریاست چارواکي وايي، سږکال په دغه ولایت کې شاوخوا ۲۷۴ زره ټُنه د انارو حاصلات ترلاسه کېږي.
د کرنې ریاست ویاند محمدحنیف حقمل سلاموطندار ته ویلي، دا حاصلات د ارغنداب، ارغستان، شاولیکوټ، خاکریز، زېړۍ، پنجوایي، معروف، ډنډ، دامان او میانیشین ولسوالیو له شاوخوا ۱۵زره هکټاره د انارو بڼونو ترلاسه کېږي.
د لوګر پوهنې ریاست مسوولان وایي چې د دغه ولایت په مرکز پلعلم او شپږو ولسوالیو کې د پوهنې وزارت او نړیوالو بنسټونو په مالي ملاتړ ۱۴ رغنیزې پروژې بشپړې او ګټې اخېستنې ته وسپارل شوې.
د دغه ولایت پوهنې ریاست ویاند شاه پور عرب سلاموطندار ته وویل، بشپړو شویو پروژو کې ۱۴ ښوونځیو ته د عصري او مجهزو ودانیو او د حفظالصحې اړینو ملحقاتو جوړول او د لمریزې برښنا او پاکو اوبو منظمو سیسټمونو فعالول شامل دي.
د کډوالو ستونزو ته د رسېدنې عالي کمېسیون اعلان کړی چې د یوې ورځې پرمهال څه باندې ۵زره او ۷۰۳ افغان کډوال له ایران او پاکستان څخه بېرته هېواد ته راستانه شوي دي.
د اسلامي امارت د ویاند مرستیال، حمدالله فطرت نن شنبه (تلې دولسمه) پر خپله اېکسپاڼه لیکلي چې دغه کسان پرون افغانستان ته داخل شوي دي.
د کونړ نورګل ولسوالي (پتڼ کمپ) کې د زلزلو له امله بېځایه شوې کورنۍ وایي چې ماشومان او د کورنۍ غړي يې پر بېلابېلو ناروغیو اخته شوي دي.
د دوی په وینا، په جوړو شویو کمپونو کې ګردونه ډېر دي، روغتیايي خوړو او د پاکو اوبو نشتون هغه څه دې چې ناروغۍ يې ډېرې کړي دي.
د لوګر امنیه قومنداني مسوولان وایي چې د دغه ولایت امنیتي ځواکونو د یوه کشفي راپور له مخې، د خوښۍ ولسوالي په «دوبندي» سیمه کې ۶۷۴ کېلو ګرامه اومان بوټي نیولي دي.
د دغه ولایت امنیه قومنداني ویاند مولوي احمدالله انس سلاموطندار ته وویل، نیول شوي بوټي په یوه هستوګنیز کور کې د ښېښې نشهيي توکو د جوړېدو لپاره ځای پر ځای شوي وو چې د امنیتي ځواکونو له لوري ونیول شول.
د هلمند چارواکي وایي چې په تېرو دوو ورځو کې د بهرامچې له لارې ۲۱۴ کورنۍ بېرته هېواد ته راستنې شوي دي.
د هلمند د والي ویاند، مولوي محمدقاسم ریاض سلاموطندار ته وویل: «ولایت مقام په مشرۍ د استقبال، ثبت او تثبیت کمېټې د راستنېدونکو کورنیو د هرکلي ترڅنګ د هغوی د ثبت او تثبیت پروسه ترسره کړه او په اړه یې اصولي کړنې ترسره شوې.»
د تېرې سېشنبې او چهارشنبې پر ورځو د مخابراتي او انټرنټي خدمتونو بندېدو، د ګڼو نورو ستونزو ترڅنګ، د ناروغانو او د هغوی د خپلخپلوانو لپاره هم ډېرې ستونزې راولاړې کړي.
ولي چې د خپل ناروغ د درملنې لپاره له جوزجان څخه کابل ته راغلی، سلام وطندار ته وايي چې د مخابراتي شبکو او انټرنټي خدمتونو د بندېدو پر ورځو د خپل ناروغ د درملنې په برخه کې له جدي ستونزو سره مخ شوی.
د هلمند کرنیز چارواکي دغه ولایت کې پر شاوخوا پنځه سوه پنځوس جریبه ځمکه سویابین کرل شوي چې پایله یې، تر ډېره مثبته ښودل شوې ده.
دغه ولایت د کرنې ریاست د کرنیزو چارو امر مولوي مطیعالله عابد سلاموطندار ته وویل: «دا ولایت کې پنځه سوه پنځوس جریبه ځمکه باندي د سویابینو کرنه تر څیړنې لاندې نیول شوې ده. دغه نبات د هلمند د خاوري، اوبو او هوا سره ښه توافق ښودلی او پایله یې مثبته تمامه شوې ده.»
د لوګر مرکز پلعلم کې د ملګروملتونو د سیاسي استازولۍ په اړه جوړې شوې یوې غونډه کې د لوګر سیمهییزو چارواکو په ګډون، علماوو، قومي مشرانو، ژورنالیستانو او ځوانانو ګډون کړی وو.
جوړې شوې غونډې ته د لوګر د اطلاعاتو او فرهنګ ریاست ریيس مولوي فیضالله جوهري وویل، اوس هیواد کې سراسري امنیت ټينګ شوی او نړیوال بنسټونه کولای شي چې ولس ته اساسي خدمات ورسوي.
